ខេត្កំពត៖ នៅថ្ងៃទី១៨ ខែសីហា ឆ្នាំ២០២៥ ឯកឧត្តម វ៉ី សំណាង អភិបាល នៃគណៈអភិបាល ខេត្តតាកែវបានអញ្ជើញ មកជួបសំណេះសំណាល សួរសុខទុក្ខ កងកម្លាំងកងពលតូចថ្មើរជើងលេខ៣១ នៅទីបញ្ជាការកងពល។
ឧត្តមសេនីយ៍ទោ ផង់ យ៉ុត មេបញ្ជាការកងពលតូចថ្មើរជើរលេខ៣១ បានឡើងធ្វើរបាយការណ៍ស្វាគមន៍ និងរាយការណ៍ អំពីសមិទ្ធផលនានា ដែលកងពល សម្រេចបានក្នុងឆ្នាំកន្លងមក និងសភាពការណ៍ជំលោះតាមបន្ទាត់ព្រំដែនកម្ពុជា-ថៃ ដោយបានបញ្ជាក់ថា៖
កម្លាំងកងពលតូចថ្មើរជើងលេខ៣១ ប្តេជ្ញាការពារបូរណភាពទឹកដី ការពារព្រះមហាក្សត្រ ការពារររាជរដ្ឋាភិបាលស្របច្បាប់ ហានពលិកម្មគ្រប់បែបយ៉ាង ការពារទឹកដីអោយបានជាដាច់ខាត ពីចោឈ្លានពានសៀម ក្រៅពីការងារខាងលើ កងពលនៅបន្តកសាងអង្គភាព មានអគារស្នាក់ រោងបាយ ជួសជុលអគារចាស់ៗ កែលំអរ ហេដ្ឋារចនាសម្ព័ន្ធនានាក្នុងអង្គភាព បន្តបំផុស ការងារ ដាំ និងចិញ្ចឹមតាមអង្គភាព ដើម្បីលើកកម្ពស់ជីវភាពយោធិន កាន់តែល្អប្រសើរ និងបំពេញបន្ថែមលើគោលរបបដែលមានស្រាប់។
ឯកឧត្តម វ៉ី សណាង បានថ្លែងអំណរគុណ និងដឹងគុណដល់វីរភាពរបស់បងប្អូនកងកម្លាំងដែលបានត្រៀមចុះបំពេញភារកិច្ចនៅជួរមុខ និងបាននាំយកពាក្យផ្តាំផ្ញេីរសួរសុខទុក្ខពីសំណាក់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវបណ្ឌិត និងសូមកោតសរសេីរ នូវការលះបង់របស់បងប្អូនកងកម្លាំងយេីងទាំងអស់ដែលបានចុះបំពេញភារកិច្ចនៅជួរមុខ ដោយភាពអង់អាចក្លាហាន ដេីម្បីការពារបូរណភាពទឹកដីកម្ពុជា ពីចោរសៀមឈ្លានពាន។
ឯកឧត្តម អភិបាលខេត្ត បញ្ជាក់ថាអំណោយបាននាំយកមកនេះ ជាទឹកចិត្តមហាសាមគ្គី របស់ សប្បុរសធម៌គ្រប់មជ្ឈដ្ឋានរបស់បងប្អូន ប្រជាពលរដ្ឋខេត្តតាកែវ ជូនដល់បងប្អូ នកងទ័ពនៅពេលនេះរួមមាន អង្ករ ៣០០០គីឡូ ទឹកសុទ្ធ១១០កេះ ភេសជ្ជៈ ១៥កេះ មី២០០កេះ ត្រីខ១០០យួ ទឹកត្រី៤០យួ ទឹកស៊ីអ៊ីវ៤០យួ អំបិល៦០គីឡូ ឆៃប៉ូវ១០០គីឡូ ម្សៅស៊ុប៦គីឡូ ប្រេងឆា១៥លីត្រ សៀង ២៥គីឡូ ពងទា១១៨០គ្រាប់ កាហ្វេតែ១២កញ្ចប់ អាវយឺត២៣០អាវ បារី៧សុង សាប៊ូ៥៥គីឡូ ចង្គ្រានហ្គាសតូច៩ ដែកកេះ៧ប្រអប់ ធូកមូស ១០០ដុំ កៅអៀកបិទទូទៅ ៤កេះ រួមនិងថវិកា ២០លានរៀល ។
ក្នុងនាមថ្នាក់ដឹកនាំ គ្រប់ជាន់ថ្នាក់ នៃ
កងពលតូចថ្មើរជើងលេខ៣១ សូមគោរពថ្លែងអំណរគុណ ដល់សម្តេច តេជោ សម្តេចមហាបវរធិបតី ក៏ដូចលោកអភិបាលនៃគណអភិបាលខេត្តតាកែវ និងមន្ត្រីក្រោមឱវាទ ដែលបានយកចិត្តទុក្ខដាក់ដល់កងកម្លាំងរបស់កងពលតូចថ្មើរជើងលេខ៣១ ត្រៀមចេញបេសកកម្ម បំពេញភារកិច្ច ការពារបូរណភាពដែនដីកម្ពុជា ពីការឈ្លានពានរបស់ចោរសៀម និងសូមគោរពជូនពរ សូមជួបប្រទះតែពុទ្ធពរ ៥ប្រការ គឺ អាយុ វណ្ណៈ សុខៈ ពលៈ បដិព្វានៈ កុំបីឃ្លៀងឃ្លាតឡេីយ។
