​សម្តេចនាយក​រដ្ឋមន្ត្រី​៖ «​ខ្ញុំ​នឹង​ដឹកនាំ​គណៈប្រតិភូ​កម្ពុជា ទៅ​ចូលរួម​កិច្ចប្រជុំ​ពិសេស នៅ​ទី​ក្រុងកូឡា​ឡាំ​ពួរ ដើម្បី​សម្រេច​ឲ្យមាន​បទ​ឈប់​បាញ់គ្នា​បន្ទាន់​រវាងក​ម្ពុ​ជា និង​ថៃ​»

(​ភ្នំពេញ​)៖ នៅ​រាត្រី​ថ្ងៃទី​២៧ ខែកក្កដា ឆ្នាំ​២០២៥ សម្តេច​ធិបតី ហ៊ុន ម៉ា​ណែ​ត នាយករដ្ឋមន្ត្រី​នៃ​កម្ពុជា បានបង្ហាញ​សារ​តាម​បណ្តាញ​សង្គម​ឲ្យដឹងថា ថ្ងៃស្អែក​ទី​២៨ ខែកក្កដា សម្តេច​នឹង​ដឹកនាំ​គណៈប្រតិភូ​កម្ពុជា ទៅ​ចូលរួម​កិច្ចប្រជុំ​ពិសេស នៅ​ទី​ក្រុងកូឡា​ឡាំ​ពួរ ដែល​មាន​ម៉ាឡេស៊ី ធ្វើជា​ម្ចាស់ផ្ទះ សហរដ្ឋអាមេរិក ជា​សហ​អ្នករៀបចំ និង​មាន​ការចូលរួម​ពី​តំណាង​ចិន ដើម្បី​សម្រេច​ឲ្យមាន​បទ​ឈប់​បាញ់គ្នា​បន្ទាន់​រវាងក​ម្ពុ​ជា និង​ថៃ​។​

​សារ​របស់​សម្តេច​ធិបតី ហ៊ុន ម៉ា​ណែ​ត​មាន​ខ្លឹមសារ​ទាំងស្រុង​ដូចខាងក្រោម​៖

​ថ្ងៃទី​២៨ ខែកក្កដា ឆ្នាំ​២០២៥ ស្អែក​នេះ ខ្ញុំ​នឹង​ដឹកនាំ​គណៈប្រតិភូ​កម្ពុជា​ទៅ​ចូលរួម​កិច្ចប្រជុំ​ពិសេស​មួយ​នៅ​ទី​ក្រុងកូឡា​ឡាំ​ពួរ ដែល​មាន​ម៉ាឡេស៊ី ធ្វើជា​ម្ចាស់ផ្ទះ សហរដ្ឋអាមេរិក ជា​សហ​អ្នករៀបចំ និង​មាន​ការចូលរួម​ពី​តំណាង​ចិន​។

​គោលបំណង​នៃ​កិច្ចប្រជុំ​នេះ គឺ​ដើម្បី​សម្រេច​ឲ្យមាន​បទ​ឈប់​បាញ់គ្នា​បន្ទាន់ ដែល​នាយករដ្ឋមន្ត្រី​នៃ​ប្រទេស​ទាំង​ពីរ​កម្ពុជា​និង​ថៃ បាន​ឯកភាពគ្នា​តាម​គំនិត​ផ្ដួចផ្ដើម​របស់​ឯកឧត្តម​ប្រធានាធិបតី​សហរដ្ឋអាមេរិក Donald Trump កាលពី​យប់​ម្សិលមិញ​។​

​ខ្ញុំ​សូម​អរគុណ​ឯកឧត្តម​នាយករដ្ឋមន្ត្រី Anwar Ibrahim ដែល​បាន​ផ្តួចផ្តើម​គំនិត​សម្របសម្រួល​អោយ​មាន​កិច្ចប្រជុំ​នេះ​។​

I will lead Cambodian delegation to attend a special meeting in Kuala Lumpur hosted by Malaysia, co-organized by the United States and with participation of China. The purpose of this meeting is to achieve an immediate ceasefire, which was initiated by President Donald Trump and agreed to by both Prime Ministers of Cambodia and Thailand.

I’d like to thanks Prime Minister Anwar Ibrahim for his initiative and coordination to organize and host this special meeting.