(ឧត្តរមានជ័យ)៖ ក្រុមការងារមន្ទីរកសិកម្ម រុក្ខាប្រមាញ់ និងនេសាទ ខេត្តឧត្តរមានជ័យ នៅថ្ងៃទី២៦ ខែកក្កដា ឆ្នាំ២០២៥ បាននាំយកបន្លែចំនួន ៣ តោន ជូនប្រជាពលរដ្ឋ និងគ្រួសារកងទ័ព ដែលបានភៀសសឹកមកទីទួលសុវត្ថិភាព នៅស្រុកចុងកាល់ និងស្រុកបន្ទាយអំពិល ខេត្តឧត្ដរមានជ័យ។
ក្រសួងកសិកម្ម រុក្ខាប្រមាញ់ និងនេសាទ បានបន្តប្រមូលទិញបន្លែពីសហគមន៍កសិកម្មទំនើបបន្លែផ្ទះសំណាញ់ត្រាំកក់ជាបន្តបន្ទាប់ដើម្បីទ្រទ្រង់អាហាររូបត្ថម្ភតំបន់ជួរមុខព្រំដែនខេត្តព្រះវិហារ និងខេត្តឧត្តរមានជ័យ ដែលសរុបរហូតមកដល់បានប្រមូលទិញជញ្ជូនបន្លែជាង ១៤ តោនជូនកងទ័ពនិងប្រជាពលរដ្ឋនៅតំបន់ព្រំដែន តាមរយៈការសម្របសម្រួលដឹកជញ្ជូនឥតគិតថ្លៃពីក្រុមហ៊ុនវីរៈប៊ុនថាំ ។
យើងទាំងអស់គ្នាថ្កោលទោសអំពើខ្មាំងឈ្លានពានរំលោភអធិបតេយ្យភាពជាតិ និងបូរណភាពទឹកដីរបស់កម្ពុជា ហើយគាំទ្រការឆ្លើយតបការពារមិនឱ្យបរទេសបំពានដែនដីនៃព្រះរាជជាណាចក្រកម្ពុជា៕
