លោកឧត្តមសេនីយ៍ទោ ឡោ សុខា បន្តដឹកនាំកម្លាំងនគរ​បាលចម្រុះចុះតាមគោលដៅអនុវត្តការពារ ដើម្បីរក្សាសន្តិសុខសណ្តា​ប់​ធ្នាប់សុវត្ថិភាពក្នុងឱកាស ថ្ងៃ​បុណ្យ​ចូលឆ្នាំថ្មី ប្រពៃ​ណីជាតិខ្មែរ

មណ្ឌលគិរី ៖ លោក ឧត្តម​សេ​នីយ៍ទោ ឡោ សុខា ស្នងការនគ​របាលខេត្ត​មណ្ឌ​ល​គិរី នៅរសៀល ថ្ងៃអង្គារ ៣រោច ខែ​ចេត្រ ឆ្នាំម្សាញ់ សប្ត​ស័ក ពុទ្ធសករាជ ២៥៦៨ ត្រូវនឹង ថ្ងៃទី១៥ ខែ​មេសា ឆ្នាំ២០២៥នេះ បានបន្តដឹកនាំកម្លាំង​នគរបាលបន្តចុះទៅតាមគោលដៅសំខាន់ៗ ដើម្បីការពាររក្សា សន្តិសុខ សុវត្ថិភាព​ សណ្តា​ប់ធ្នាប់ ជូនបងប្អូនប្រជា​ពលរដ្ឋទាំងភ្ញៀវជាតិនិងអន្តរ​ជាតិ ដែលបានធ្វើដំណើរកម្សាន្តមកលេងនៅទឹកដីភូមិភាគឦសានដ៏ស្រស់បំព្រងនៅតាមរមណី​យដ្ឋាននា​នាក្នុងខេត្តមណ្ឌលគិរីនាឱកាសថ្ងៃបុណ្យ ឆ្នាំថ្មីប្រពៃណីជាតិខ្មែរ ឆ្នាំម្សាញ់ សប្ត​ស័កពុទ្ធសករាជ ២៥៦៨ គ្រឹស្តសករាជ ២០​២៥ (ព្រះនាមគោរាគៈទេវី) នៅបរិវេណដំរីដែកសួនច្បារសែនម​នោរម្យ ។ ថ្ងៃទី១ និងថ្ងៃទី២ នៃថ្ងៃ​បុណ្យ ចូលឆ្នាំថ្មីប្រពៃណីខ្មែរកងកម្លាំងនគរ​បាលបានបន្តយករថយន្តពន្លត់អគ្គីភ័យបាញ់ទឹក​ជូនបងប្អូនប្រជាពលរដ្ឋដែលមករាំលេងកម្សាន្តនៅទីធ្លាសួនដំរីដែកដោយប្រើប្រាស់ទឹកអស់ជាង​៦០រថយន្ត៕