សៀមរាប: រសៀលនៅថ្ងៃទី០៩ ខែមេសា ឆ្នាំ២០២៥ លោក ផេង រតនា និងភរិយា តំណាងចែកចាយប្រេងម៉ាស៊ីន ម៉ាក Valvoline ខេត្តសៀមរាប បាននាំយកទឹកបរិសុទ្ធចំនួន ១០០កេស មកឧបត្ថម្ភដល់ កងរាជអាវុធហត្ថខេត្តសៀមរាប សម្រាប់ប្រើប្រាស់ជាប្រយោជន៍ជាក់ស្តែងក្នុងអង្គភាព។
ក្នុងឱកាសនោះ លោកឧត្តមសេនីយ៍ត្រី សៀ ទីន មេបញ្ជាការកងរាជអាវុធហត្ថខេត្តសៀមរាប បានទទួលស្វាគមន៍ប្រកបដោយមនោសញ្ចេតនាស្និទ្ធិស្នាល និងបានសម្តែងនូវអំណរគុណយ៉ាងជ្រាលជ្រៅចំពោះ លោក ផេង រតនា និងភរិយា ដែលមានចិត្តសប្បុរស ជូនដល់អាវុធហត្ថខេត្តសៀមរាប និងសូមថ្លែងអំណរគុណចំពោះសប្បុរសជននាពេលកន្លងមកដែលតែងតែឧបត្ថម្ភគាំទ្រ ដល់កងរាជអាវុធហត្ថខេត្តសៀមរាបផងដែរ។
ជាចុងបញ្ចប់លោកឧត្តមសេនីយ៍ត្រី មេបញ្ជាការ សូមជូនពរជួបតែពុទ្ធពរទាំង៤ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ៕
