ខេត្តបាត់ដំបង៖ នៅវេលាម៉ោង ០៩ និង ០០ នាទី ថ្ងៃទី២២ ខែមីនា ឆ្នាំ២០២៥ កម្លាំងកងរាជអាវុធហត្ថ ១៨ នាក់ ដឹកនាំដោយលោក វរសេនីយ៍ឯក ជា តារា មេបញ្ជាការរងកងរាជអាវុធហត្ថ តាមបទបញ្ជាលោកឧត្តមសេនីយ៍ ហែម វុទ្ធី មេបញ្ជាការកងរាជអាវុធហត្ថខេត្តបាត់ដំបង និងដោយមានការសម្របសម្រួលពីព្រះរាជអាជ្ញារង ទុត វីនីត ព្រមទាំងសហការជាមួយកម្លាំងគយ រដ្ឋបាលព្រៃឈើ កម្លាំងអាជ្ញាធរភូមិ-ឃុំ បានចុះត្រួតពិនិត្យទីតាំងការដ្ឋានជនជាតិចិនមួយកន្លែងបានប្រទះឃើញ មាន ៖
១- ក្បាលរថយន្តសណ្តោងរ៉ឺម៉កចង្កូតស្ដាំចំនួន ១៤ គ្រឿង រួមមាន ៖ -រថយន្តទេសចរណ៍ចំរុះម៉ាកចង្កូតស្តាំ ចំនួន ១០ គ្រឿង, រ៉ឺម៉កសណ្តោងមានសាទែន ចំនួន ២ គ្រឿង, សាមីរ៉ឺម៉ក ចំនួន៤ គ្រឿង, -ឧបករណ៍សម្រាប់ដាប់លេខតួរថយន្ត ចំនួន ១ ឈុត .
២-ឈើមួយចំនួន ។
ចំពោះវត្ថុតាងទាំងនេះ ត្រូវបានសមត្ថកិច្ចចម្រុះប្រគល់អោយគយនឹងរដ្ឋាករចាត់ការតាមនីតិវិធី ។ ដោយឡែក ចំពោះកំណាត់ឈើដែលសមត្ថកិច្ចបង្ក្រាប បានប្រគល់អោយរដ្ឋបាលព្រៃឈើចាត់ការតាមនីតិវិធី ។
សូមបញ្ជាក់ថា ទីតាំងនេះ ស្ថិតនៅភូមិ បឹងអំពិល ឃុំស្ដៅ ស្រុករតនៈមណ្ឌល ខេត្តបាត់ដំបង ដែលមានម្ចាស់ ឈ្មោះ លី យ៉ុងកួយ ជនជាតិចិន ភេទប្រុស អាយុប្រហែល ៥៥ ឆ្នាំ និងអ្នកតំណាងឈ្មោះ វ៉ាន់ សុជាតា ភេទស្រីអាយុ៣៣ឆ្នាំមុខរបរ គណនេយ្យ មានទីលំនៅភូមិ ព្រែកនរិន្ទឃុំព្រែកនរិន្ទស្រុកឯកភ្នំ ខេត្តបាត់ដំបង ៕
ដោយ ទាវ ដារិន
