បន្ទាយមានជ័យ៖ នៅព្រឹកថ្ងៃចន្ទ ៤រោច ខែផល្គុន ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៧ ខែមីនា ឆ្នាំ២០២៥នេះនៅវេលាម៉ោង០៨នឹង៤៥នាទី លោកឧត្តមសេនីយ៍ត្រី អេង លីហួរ ស្នងការរងផែនការងារអន្តោប្រវេសន៍ នៃស្នងការដ្ឋាននគរបាលខេត្តបន្ទាយមានជ័យតំណាងឱ្យលោកឧត្តមសេនីយ៍ទោ សិទ្ធិ ឡោះ ស្នងការ នគរបាលខេត្តបន្ទាយមានជ័យ បានអញ្ជើញ ជួបសម្តែងការគួរសមនិងពិភាក្សាការងារជាមួយ ឯកឧត្តម Tull TRAISORAT ឯកអគ្គរាជទូតថៃ ប្រចាំព្រះរាជាណាចក្រកម្ពុជា និងប្រតិភូអមដំណើរ ក្រោយអធិបតីភាពដ៏ខ្ពង់ខ្ពស់ ឯកឧត្តម ប្លែក វ៉ារី ប្រធានក្រុមប្រឹក្សាខេត្តបន្ទាយមានជ័យ និងឯកឧត្តម អ៊ុំ រាត្រី អភិបាល នៃគណៈអភិបាលខេត្ត និងមានការចូលដោយប្រធានមន្ទីរជុំវិញខេត្ត បន្ទាយមានជ័យនិងកងកម្លាំង ប្រារព្ធកម្មវិធីនៅសាលប្រជុំ”ខ”។ នៅសាលាខេត្តបន្ទាយមានជ័យ។
សុំបញ្ជាក់ថា ប្រធានបទពិភាក្សារួមមាន៖
1-វាយតម្លៃខ្ពស់ចំពោះកិច្ចសហប្រតិបត្តិការថ្នាក់ខេត្ត (បន្ទាយមានជ័យ – ស្រះកែវ) លើគ្រប់កិច្ចការ ជម្រាបជូនបន្ថែមអំពីអគ្គកុងស៊ុលថៃប្រចាំខេត្តសៀមរាប
និងដឹកនាំក្រុមហ៊ុនឯកជនទស្សនកិច្ច Sisophon Industrial Park បន្ទាប់ពីជំនួបជាមួយ ឯកឧត្តមអភិបាលខេត្តបន្ទាយមានជ័យហើយសូមការគាំទ្រនឹងគាំពារធុរកិច្ចថៃដែលបាននិងកំពុងនឹងចូលមក បណ្តាក់ទុននៅក្នុងខេត្តបន្ទាយមានជ័យ។
2-ការតភ្ជាប់ ដោយខេត្តបន្ទាយមានជ័យជាច្រកទ្វារសំខាន់រវាងកម្ពុជាថៃ ទាំងក្នុងវិស័យទេសចរណ៍ ធុរកិច្ចវិនិយោគ និងពលករ (អាចនឹងលើកយករឿងទំហំពាណិជ្ជកម្មប្រទេសទាំងពីរ និងទំហំ ពាណិជ្ជកម្មជាយដែន)
3-ការតភ្ជាប់ផ្លូវគោក – រថភ្លើង – ការបើកច្រកស្ទឹងបត់-បានណងអៀន
4-កិច្ចសហប្រតិបត្តិការជួយសង្គ្រោះជនជាតិថៃ
5-ស្នើសុំកិច្ចសហប្រតិបត្តិការពីខាងសមត្ថកិច្ច អន្តោប្រវេសន៍បង្កើនការត្រួតពិនិត្យលើជនជាតិថៃ ដែលឆ្លងដែនខុសច្បាប់ និងសហការបញ្ជូនត្រលប់ថៃវិញបានឆាប់រហ័ស។
ចង់អោយរដ្ឋបាលខេត្តបន្ទាយមានជ័យ ចែករំលែកទាក់ទិននឹងស្ថានការណ៍ការឆ្លងដែនខុសច្បាប់របស់ជនបរទេស នីតិវិធី គោលនយោបាយ និងផែនការសកម្មភាពចំពោះកិច្ចការបង្ក្រាបការឆបោកតាមប្រព័ន្ធអន ឡាញ និងឧក្រិដ្ឋកម្មឆ្លងដែនរបស់ខេត្តដែលរាជរដ្ឋាភិបាលកំពុងយកចិត្តទុកដាក់យ៉ាងខ្លាំង។
6-សារសំខាន់នៃរបៀបរៀបរយ និងសណ្តាប់ធ្នាប់នៅបរិវេណព្រំដែនដែលជាទីតាំងដ៏សំខាន់សម្រាប់ ការផ្លាស់ប្តូរពាណិជ្ជកម្ម ការវិនិយោគ ទេសចរណ៍ និងផ្សេងៗ រំពឹងថានឹងមានកិច្ចសហប្រតិបត្តិការ យ៉ាងជិតស្និតរវាងភាគីទាំងពីរដើម្បីក្លាយជាព្រំដែនមានសុខសន្តិភាព និងការអភិវឌ្ឍន៍។
កិច្ចប្រជុំបានបញ្ចប់នៅវេលាម៉ោង១០នឹង០០នាទីព្រឹកថ្ងៃខែដដែល។ ព្រមទាំងមានការប្រគល់ជូនវត្ថុអនុស្សាវរីយ៍ទៅវិញទៅមក និងថតរូបអនុស្សាវរីយ៍រួមគ្នា ៕
