បន្ទាយមានជ័យ៖ ដើម្បីធានាបាននូវសន្តិសុខ សណ្តាប់ធ្នាប់ សាធាររណៈល្អ ក្នុងឱកាសទិវាថ្ងៃនៃក្តីស្រលាញ់ លោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ បានដាក់ចេញនូវផែនការដល់កម្លាងនគរបាលក្រោមឱវាទ គ្រប់បណ្តាអធិការដ្ឋាននគរបាលក្រុងស្រុកទូទាំងខេត្ត ពង្រឹងយាមល្បាត ត្រូវបង្ក្រាបបទល្មើសគ្រប់ប្រភេទ ពិសេសបទល្មើសព្រហ្មទណ្ឌ និងក្មេងទំនើង។
ជាក់ស្តែងនៅថ្ងៃទី១៣,១៤ ខែកុម្ភៈ ឆ្នាំ២០២៥នេះ ទាំងថ្ងៃនិងយប់ កម្លាំងនគរបាលយើងបានកំពុង ពង្រឹងការយាមល្បាត តាមទីប្រជុំជន ដើម្បីការពារ សន្តិសុខ សុវត្ថិភាពដល់ប្រជាពលរដ្ឋ ទាំងក្នុងខេត្តនិងក្រៅខេត្តដែលមកលេងកំសាន្ត តាមរមនីយ៍ដ្ឋាននានា និងតំបន់កាស៊ីណូនៅក្រុងប៉ោយប៉ែត។
លោកឧត្តមសេនីយ៍ទោស្នងការ បានដាក់ចេញនូវបទបញ្ជាដល់ កម្លាំងទាំងអស់ ពេលថ្ងៃពង្រឹងការយាមល្បាត។ នៅពេលរាត្រី ត្រួតពិនិត្យអាវុធគ្រឿងផ្ទុះ, ត្រួតពិនិត្យទប់ស្កាត់អ្នកបើកបរមានជាតិស្រវឹង(ជាតិអាល់កុល)ដើម្បីរួមចំណែកកាត់បន្ថយអត្រាគ្រោះថ្នាកចរាចរណ៍ឲ្យនៅកម្រិតទាបបំផុតតាមដែលអាចធ្វើបាន។
ទន្ទឹមគ្នានេះ លោកឧត្តមសេនីយ៍ទោ សិទ្ធិ ឡោះ ក៏បានត្រៀមកម្លាំងនគរបាលប្រចាំការ២៤ម៉ោងលើ២៤ម៉ោង សម្រាប់ជួយអន្តរាគមន៍ បង្ក្រាបបទល្មើសគ្រប់ប្រភេទ គ្រោះធម្មជាតិ ឬគ្រោះអគ្គីភ័យនានា ដែលអាចកើតមានជាយថាហេតុ សំដៅធ្វើយ៉ាងណាឲ្យភូមិសាស្ត្រខេត្តបន្ទាយមានជ័យទាំងមូល ប្រកបដោយសន្តិសុខល្អ៕
