កំពត ៖ កាលពីព្រឹកថ្ងៃទី១៤ខែកញ្ញាឆ្នាំ២០១៨ នៅទីលានបាល់ទាត់ខេត្តកំពត បានធ្វើពិធីទទួលបើកការប្រកួតកីឡាប្រភេទបាល់ទាត់ហ្វុតសាល(fottsall)ជាលក្ខណៈមិត្តភាពរវាងខេត្តកំពត-ខេត្តកែបនៃព្រះរាជាណាចក្រកម្ពុជា-និងខេត្តគៀងយ៉ាងនៃសាធារណរដ្ឋសង្គមនិយមវៀតណាម ក្រោមវត្តមានចូលរួមជាថ្នាក់ដឹកនាំប្រតិភូពីសំណាក់លោកដួង សាវ៉ាន់អនុប្រធានប្រចាំការតំណាង លោក ជាវ តាយ ប្រធានគណៈកម្មាធិការរណសិរ្សអភិវឌ្ឍន៍មាតុភូមិកម្ពុជាខេត្តកំពត លោកសោម ពិសិដ្ឋ សមាជិកគណៈអចិន្ត្រៃយ៍គណៈកម្មាធិការរណសិរ្សអភិវឌ្ឍន៍មាតុភូមិកម្ពុជាខេត្តកែប និងលោកស្រីឡេ ធីវ៉េប្រធានគណៈកម្មាធិការរណសិរ្សមាតុភូមិវៀតណាមខេត្តគៀងយ៉ាង ប្រទេសវៀតណាម។
ការប្រកួតនេះគឺជាការជួបជុំរវាងតំណាងថ្នាក់ដឹកនាំក្នុងគោលបំណងដើម្បីជំរុញកិច្ចសហប្រតិបត្តិការលើគ្រប់វិស័យរួមគ្នាអភិវឌ្ឍន៍រវាងគណៈម្មាធិការរណសិរ្សសាមគ្គីអភិវឌ្ឍន៍មាតុភូមិកម្ពុជាខេត្តកំពត ខេត្តកែបជាមួយគណៈកម្មាធិការរណសិរ្សមាតុភូមិវៀតណាមខេត្តគៀងយ៉ាង ដំណាក់កាលឆ្នាំ២០១៧-២០១៩ និងលើកទិសដៅសម្រាប់អនុវត្តឆ្នាំបន្តទៀត៕ សេង ណារិទ្ធ
