សៀមរាប ៖ មានការភ្ញាក់ផ្អើល ដោយសារតែមាន ក្រុមជនបរទេស បានលបលួចសាងសង់រូបសំណាក ព្រះម៉ែគួនស៊ីអ៊ីម និងរូបលោកយាយ នៅក្នុងព្រៃស្ងាត់ ស្ថិតនៅ ក្នុងភូមិចាក់ជ្រុំ ឃុំ កន្ធួត ស្រុកស្វាលើ ខេត្តសៀមរាប ចម្ងាយពីភូមិ ១០គ.ម ដោយពុំមានការផ្តល់ ដំណឹងដល់អាជ្ញាធរ និងគ្មានច្បាប់អនុញ្ញាត ក្នុងការសាងសង់។
លោក ស៊ិ ប៊ុនស៊ិន អភិបាលស្រុកស្វាយលើ បានដឹកនាំកម្លាំងចម្រុះ ចុះទៅធ្វើការផ្អាកកាសាងសង់ កាលពីថ្ងៃទី ០១ ខែ មិថុនា ឆ្នាំ ២០១៥ ដោយសារតែពុំមានច្បាប់ និងពុំមានផ្តល់ដំណឹង ដល់អាជ្ញាធរ ជាពិសេសតំបន់ព្រៃនេះ គឺជាតំបន់ព្រៃហាមឃាត់ មិនឲ្យបុគ្គលណាសាងសង់ លំនៅដ្ឋាននោះទេ តែបែរ ជាមានក្រុមជនបរទេស អែមលួចមកសាងសង់ បំម្រុងធ្វើជាព្រះវិហាររបស់សាសនា ពួកគេ ការសាងសង់ នេះត្រូវបានប្រតិកម្មយ៉ាងខ្លាំង ចំពោះមហាជន ដែលនឹកស្មានមិនដល់ថា ខ្លួនជាជនបរទេសសោះ ហេតុអ្វី បានជាហ៊ានលួចសង់ទីតាំង របស់ខ្លួនដោយអាណាធិបតេយ្យ ។
ប្រភពពត៌មាន នៅទីតាំងសាងសង់ ខណៈពេលដែលអ្នកពត៌មានចុះទៅថត និងសុំសម្ភាសជាមួយលោក លីន បៀន ជាជនជាតិវៀតណាម គឺពុំអាចយកជាផ្លូវការបានទាំងអស់ ដោយមិនដឹងថា ការសាងសង់នេះមានគោលបំណងអ្វីនោះទេ ព្រោះអ្នកយាម និងជាង ពុំអាចនិយាយភាសាខ្មែរបាន ជាហេតុធ្វើឲ្យមានការងឿងឆ្ងល់ ។
លោក ស៊ិ ប៊ុនស៊ិន អភិបាលស្រុកស្វាយលើ បានឲ្យដឹងថា ក្រុមនេះបានលួចសាងសង់ ដោយពុំបានផ្តល់ ដំណឹង និងមានច្បាប់អនុញ្ញាតិ ត្រឹមត្រូវនោះទេ ហើយការសាងសង់នេះ ត្រូវបានលួចធ្វើទាំង យប់ទាំងថ្ងៃ គឺចាប់ផ្តើមសាងសង់តាំងពីដើម៥ លោកទើបទទួលពត៌មានបាន ទើបបានដឹកនាំកម្លាំងចុះទៅផ្អាក ហើយត្រូវបានឃាត់ខ្លួនមនុស្ស ៤នាក់ ក្នុងនោះមាន ឈ្មោះ តាំង មិន ជាម្ចាស់ ជនជាតិវៀតណាម តែអួតខ្លួនថាជាកម្ពុជា ចំណែក៣នាក់ទៀត ជាជនជាតិវៀតណាមទាំងអស់ ៕
