ប៉ៃលិន ៖ កាលពីព្រឹកថ្ងៃសុក្រទី៥ ខែមិថុនា ឆ្នាំ ២០១៥ អជ្ញាធរក្រុងប៉ៃលិន និងអាជ្ញាធរភូមិសង្កាត់ និ់ងកងកម្លាំងពាក់ព័ន្ធក្នុងខេត្តប៉ៃលិន បានចុះរៀបចំសណ្តាប់ធ្នាប់ផ្សារប៉ាហ៊ី និងជួយសម្រួលដល់ ការជួសជុលតំបូលផ្សារឡើងវិញ ព្រោះផ្សារចាស់មានសភាពចាស់ពេកហើយ នៅពេល បច្ចុប្បន្ននេះ ។
នៅថ្ងៃទី៥ ខែមិថុនា នៅពេលព្រឹក លោក ស៊ុន យី អភិបាលក្រុងអញ្ជើញចូលរួមផងដែរ ក្នុងការរៀបចំបណ្តាប់ធ្នាប់ និងលោក លឹម វាសនា អធិការក្រុងប៉ៃលិន បានធ្វើការចុះណែនាំ អស់រយៈពេលដប់ថ្ងៃ ទុកជាមុនរួចមកហើយអោយរុះរើកន្លែងណា ដែលការលក់ដូរ ពុំមានសណ្តាប់ធ្នាប់ និងអ្នកលក់តាមស្តង់មិនអោយលក់ ចេញមកក្រៅ បន្តទៀត កាលកន្លងមកនេះ ។
លោក ស៊ុន យី បានចុះពិនិត្យផ្លូវចាក់ប៉េតុង និងលូរដែលកសាងរួចហើយ នៅពេលនេះ ចាប់ផ្តើមកសាងដំបូលផ្សារជាបន្តទៀត ដើម្បីឲ្យផ្សារសាមគ្គីប៉ាហ៊ីស្ថិតនៅភូមិ ប៉ាហ៊ី សង្កាត់ប៉ៃលិនក្រុងខេត្តប៉ៃលិន ឃើញថា មានសភាពមិនមានសណ្តាប់ធ្នាប់ ។ នៅពេលនេះ លោក ស៊ុន យី ទទួលច្បាប់ថ្នាក់ខេត្តឲ្យជួយសម្រួលទីតាំងផ្សារនេះ អោយមានសោភ ណ្ឌភាពឡើងវិញ ព្រោះផ្សារនេះជាបេះដូងនៃក្រុងប៉ៃលិន ក៏ដូចជាបេះដូងនៃអាជីវករ និងប្រជាពលរដ្ឋខេត្តប៉ៃលិន ។
នាឱកាសនោះផងដែរ លោក ស៊ុន យី បានផ្តាំផ្ញើដល់សន្តិសុខសណ្តាប់ផ្សារជួយខិខំបម្រើការងារជួនអាជីវករផ្សារ និងប្រជាពលរដ្ឋ ដែលមកលក់ទិញនៅផ្សារប៉ាហ៊ីនេះអោយបានល្អ ៕
ដោយ ៖ ហុក វិបុល
