ភ្នំពេញ ៖ កាលពីព្រឹកថ្ងៃទី ២៣ ខែធ្នូ ឆ្នាំ២០១៧នេះ ដែលមានការចូលរួមពីរដ្ឋបាលខណ្ឌព្រែកព្នៅ និងរដ្ឋបាលស្រុកពញាឮ ចុះពិនិត្យិមើលព្រំប្រទល់រវាងសង្កាត់ពញាពន់ និងឃុំឈ្វាំង ក្រោមការអញ្ជើញចូលរួមពីលោក សុខ សម្បត្តិ អភិបាលនៃ គណៈអភិបាលខេត្តខណ្ឌព្រែក និងអភិបាលនៃគណៈអភិបាលស្រុកពញាឮ ព្រមទាំងមន្ត្រីជាច្រើនរូបទៀត ដើម្បីរួមគ្នាអភិវឌ្ឍន៍ផ្លូវព្រំប្រទល់ឱ្យបានល្អ ពិសេសសហការគ្នាលើសន្តិសុខ សណ្តាប់ធ្នាប់ជូនដល់ប្រជាពលរដ្ឋ ។
នាឱកាសនោះដែរ លោក សុខ សម្បត្តិ អភិបាលនៃ គណៈអភិបាលខេត្តខណ្ឌព្រែកបានថ្លែងអំណរគុណចំពោះបងប្អូន ប្រជាពលរដ្ឋនៅក្នុងសង្កាត់ និងឃុំទាំង២ ដែលបានសហការក្នុងការរស់នៅបានល្អ បើទោះជាម្ខាងកាត់ចូលរាជធានីភ្នំពេញ និងម្ខាងទៀតនៅក្នុងទឹកដីខេត្តកណ្តាលក៏ដោយ ។ លោកបន្តថា ផ្លូវព្រំប្រទល់រវាងសង្កាត់ទាំងពីរខាងលើនេះ ជំហានដំបូង រដ្ឋបាលខណ្ឌព្រែកព្នៅ និងចាក់ខ្សាច់ភ្នំក្រាលជួសជុលដំបូងសិន ព្រោះថវិកាខណ្ឌឆ្នាំ២០១៨ ត្រូវបានដាក់គម្រោងអភិវឌ្ឍន៍ អស់ហើយ ហើយផ្លូវនេះដល់ឆ្នាំ២០១៩ ទើបមានគម្រោងចាក់ផ្លូវបេតុង ។
លោក សុខ សម្បត្តិ បានបន្ថែមទៀតថា ការចុះត្រួតពិនិត្យមើលផ្លូវ ព្រំប្រទល់រវាងសង្កាត់ពញាពន់ និងឃុំឈ្វាំង នេះធ្វើឡើងតបតាមសំណូមពររបស់ប្រជាពលរដ្ឋ ដែលមានទីលំនៅតាមបណ្តោយព្រំប្រទល់នេះ ដើម្បីងាយស្រួលដល់ពួក គាត់ធ្វើសំបុត្រស្នាក់នៅ និងបញ្ជូនកូនទៅសាលារៀន ហេយិងាយស្រួលដល់ការអភិវឌ្ឍខ្សែក្រវាត់រាជធានីភ្នំពេញ និងខេត្តកណ្តាល និងគ្រប់គ្រងការងារសន្តិសុខ សណ្តាប់ធ្នាប់ជូនដល់ប្រជាពលរដ្ឋរវាងសង្កាត់ពញាពន់ ខណ្ឌព្រែកព្នៅ និងឃុំឈ្វាំង ស្រុកពញាឮ ។
គួរបញ្ជាក់ថា កាលពីខែមិថុនា ឆ្នាំ២០១៤ ខណ្ឌព្រែកព្នៅបានបង្កើតឡើង មានផ្ទៃដី ១១៥.៥គីឡូម៉ែត្រការ៉េ ព្រំប្រទល់ខាងត្បូងជាប់នឹង ខណ្ឌប្ញស្សីកែវ ខណ្ឌសែនសុខ និងខណ្ឌពោធិ៍សែនជ័យ ខាងលិចជាប់នឹងស្រុកអង្គស្នួល ខាងជើងជាប់នឹងស្រុកពញាឮ និងខាងកើតជាប់នឹងខណ្ឌប្ញស្សីកែវ ។
លោកបានបញ្ជាក់ថា បច្ចុប្បន្នស្របពេលដែលប្រទេសយើងកំពុងុតែមានការអភិវឌ្ឍជាបន្តបន្ទាប់នោះ តាមភូមិ សង្កាត់ ជាយរាជធានីភ្នំពេញ បានប្រែក្លាយពីផ្លូវដីក្រួសក្រហម ទៅជាផ្លូវបេតុងខ្វែងខ្វាត់ ហើយយើងនឹងនៅតែមានការរីក ចំរើនឥតឈប់ឈរតទៅមុខទៀតផងដែរ ក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដែលនឹងបន្តស្ថាបនាផ្លូវបេតុងឱ្យបានគ្រប់ភូមិក្នុងខណ្ឌព្រែកព្នៅទាំងមូល ៕
