(កំពត)៖ វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តកំពត ឆ្នាំ២០១៧ ត្រូវបានរៀបចំឡើងនៅព្រឹកថ្ងៃទី២០ ខែវិច្ឆិកា ឆ្នាំ២០១៧ ស្ថិតក្នុងសង្កាត់ក្រាំងអំពិលក្រុងកំពតខេត្តកំពត ក្រោមការអញ្ជើញចូលរួមពីសំណាក់ លោក ញ៉ូវ សាឯម សមាជិក ក្រុមប្រឹក្សាខេត្ត លោក ជីង ផល្លា អភិបាលរងនៃគណៈអភិបាលខេត្ត និងមានការចូលរួម ពីសំណាក់មន្ត្រីអាជ្ញាធរមូលដ្ឋាន មន្ទីរអង្គភាពជំនាញថ្នាក់ខេត្ត ក្រុង និងប្រជាពលរដ្ឋប្រមាណចំនួន១២៤នាក់ ស្រី២៤នាក់។
អង្គវេទិកានេះ ធ្វើឡើងក្នុងគោលបំណង បង្កើតបាននូវវប្បធ៌ម នៃការពិភាក្សា និងលើកកម្ពស់គណនេយ្យភាពតាមបែបប្រជាធិបតេយ្យ និងធ្វើការបង្ហាញ គោលការណ៍ និងលទ្ធផលការងារផ្សេងៗដូចជា៖
១-ផ្ដល់ព័ត៌មានអំពីសមិទ្ធិផលរបស់រដ្ឋបាលខេត្តដែលសម្រេចបានក្នុងឆ្នាំ ២០១៦។
២-ផ្ដល់ព័តមានពីសកម្មភាពអាទិភាពនៃការងារ អភិវឌ្ឍន៍មូលដ្ឋាន ឆ្នាំ២០១៧។
៣-រាយការណ៍ពីសកម្មភាពដែលរដ្ឋបាលខេត្ត បានឆ្លើយតបនឹងលទ្ធផល នៃវេទិកា ឆ្នាំ២០១៦។
៤- ពិភាក្សាក្នុងការរិះរកដំណោះស្រាយរួមគ្នាលើប្រធានបទជាក់លាក់ ដែលជាបញ្ហាប្រឈមនៅក្នុងស្រុក មិនទាន់ដោះស្រាយបានជោគជ័យ។
អង្គវេទិកានេះ បានបើកឱកាសដល់ប្រជាពលរដ្ឋ លើកជាសំណួរ សំណូមពរ អនុសាសន៍ និងការឆ្លើយបំភ្លឺ ដំណោះស្រាយ លើប្រធានបទ រួមមាន៖ការផ្ដល់់សេវាសាធារណៈសេវារដ្ឋបាល និងការអភិវឌ្ឍមូលដ្ឋាន។
ជាលទ្ធផល ប្រជាពលរដ្ឋលើកជាសំណួរនិងសណូមពរចំនួន៦បញ្ហា ពាក់ព័ន្ធប្រព័ន្ធលូទឹក ផ្លូវ បណ្ដាញភ្លើងអគ្គីសនី និងប្លង់បណ្ណកម្មសិទ្ធដីធ្លី។ ក្នុង បានឆ្លើឆបំភ្លឺនិងដោះស្រាយបានចំនួន៥បញ្ហានិងនៅ១បញ្ហាបន្តពិភាក្សាដោះស្រាយបន្ថែមទៀត។/
ណារិទ្ធ
