ខេត្តប៉ៃលិន ៖ មន្ត្រីកាំកុងត្រូលសហការជាមួយនិងមន្ត្រីមន្ទីរពាណិជ្ជកម្មខេត្ត ប៉ៃលិន ដឹកនាំ ដោយលោក សាន វិជ្ជាសារ៉ាវុធ ប្រធានកាំកុងត្រូលសាខាខេត្តប៉ៃលិន និងលោក សុខ សាធីម ប្រធានមន្ទីរពាណិជ្ជកម្មខេត្តបានចុះត្រួតពិនិត្យទំនិញចំណីអាហារនិង គ្រឿងភេសជ្ជៈ នៅផ្សារសាមគ្គី ហៅផ្សារប៉ាហ៊ី ខេត្តប៉ៃលិន ដើម្បីធានាសុវត្ថិភាពសម្រាប់ប្រជាពលរដ្ឋទិញយកទៅប្រើប្រាស់ ។ការចុះត្រួតពិនិត្យមុខទំនិញប្រភេទចំណីអាហារនិងគ្រឿងភេសជ្ជៈ នៅក្នុងផ្សារខេត្តប៉ៃលិន នេះធ្វើឡើងកាលពីព្រឹក ថ្ងៃទី ១៣ ខែមីនា ឆ្នាំ២០១៥ ស្ថិតក្នុងភូមិប៉ាហ៊ីជើង សង្កាត់ប៉ៃលិន ក្រុងប៉ៃលិន ខេត្តប៉ៃលិន ។
តាមការឲ្យដឹងរបស់មន្ត្រីជំនាញម្នាក់ បាននិយាយថា៖ការចុះត្រួតពិនិត្យទំនិញអស់សុពលភាពនេះ គឺយល់ឃើញថាកាលពីខែមុនមានសិស្សតូចៗចំនួន២៨ នាក់សិក្សានៅឯកជនមួយឈ្មោះ ខ្មែរអន្តរជាតិ(ប្រ៊ីដ) មានទីតាំងស្ថិតនៅភូមិថ្នល់ទទឹង ឃុំអូរអណ្តូង ស្រុកសាលាក្រៅ ខេត្តប៉ៃលិន បានពុលចំណីអាហារក្អួតចង្អោ រាគរុះហើយត្រូវបាន គេដឹកបញ្ជូនទៅ សង្គ្រោះនៅមន្ទីរពេទ្យ បន្ទាប់ពីសិស្សតូចៗទាំងនោះ បានទទួល ទានចំណីអាហារគ្មានសុវត្ថិ ភាពនៅក្នុងសាលារៀនឯកជននោះ,ហើយការពុលចំណីអាហារចំពោះសិស្សតូច ទាំងនោះគឺមិនបង្កឱ្យសិស្សណា ម្នាក់ទទួលរងគ្រោះដល់បាត់បង់ជីវិត នោះឡើយ។
ប្រតិបត្តិការចុះត្រួតពិនិត្យទំនិញចំណីអាហារ និងគ្រឿងភេសជ្ជៈរបស់មន្ត្រីជំនាញ នៅ ផ្សារប៉ាហ៊ី ខេត្តប៉ៃលិន គឺគេបានរកឃើញដកហូតនូវទំនិញហួសកាលបរិច្ឆេទប្រើប្រាស់ ចំនួន២ប្រភេទគឺទឹកក្រូចសម្រាប់កូនក្មេងចំនួន២កេះស្មើនឹង២៤ដប ប៊ីចេងចំនួន៨០កញ្ចប់ ស្មើនិង៨.៧ក្រាម និងទឹកក្រូចម៉ាកឆែចំនួន៥កេះស្មើនិង១២០ដប។ចំណីអាហារនិងគ្រឿង ភេសជ្ជៈទាំងនេះត្រូវបានមន្ត្រីជំនាញដកហូតពីអាជីវករយកមករក្សាទុក នៅការិយាល័យសាខា កាំកុងត្រូល ខេត្តដើម្បីទុកដុតកំទេចចោល។គ្រានោះដែរមន្ត្រីជំនាញក៏ឱ្យ អាជីវករផ្តិតមេដៃ ធ្វើកិច្ចសន្យាដើម្បីឱ្យពួកគាត់បញ្ឈប់ការដាក់តាំងលក់ទំនិញគ្មាន សុវត្ថិភាពតទៅទៀត ប្រសិន នៅពេលក្រោយរកឃើញនៅតែមិនរៀងចាលសមត្ថកិច្ចនិងអនុវត្តទៅតាម ផ្លូវច្បាប់។
លោក សានវិជ្ជា សារ៉ាវុធ ប្រធានកាំកុងត្រូលសាខាខេត្តប៉ៃលិនបានប្រាប់ឱ្យដឹងថា៖ មន្ត្រីជំនាញចុះមកត្រូតពិនិត្យនៅលើទីផ្សារប៉ាហ៊ី ក្នុងខេត្តប៉ៃលិននេះ ក៏បានអប់រំណែនាំដល់អាជីវករឱ្យចេះរៀបចំទុកដាក់ទំនិញតាមបច្ចេកទេស លក្ខណៈអនាម័យណែនាំឱ្យចេះមើលលេខកំណត់សុពលភាពការប្រើប្រាស់ទំនិញ និងណែនាំអាជីវករទិញ ទំនិញយកមក ដាក់តាំង លក់នូវទំនិញដែលមានស្លាកសញ្ញាត្រឹមត្រូវ ។លោកបានប្រាប់ឱ្យដឹងទៀត ថាមន្ត្រីជំ នាញនិងបន្តចុះត្រួតពិនិត្យទំនិញនៅតាមទីផ្សាជាបន្តបន្ទាប់ដូច ភ្លៀងរលឹមដើម្បីបង្ការទប់ ស្កាត់រាល់ការចរាចរណ៍ទំនិញគ្មានសុវត្ថិភាពចៀសវាងប្រជាពលរដ្ឋមិន បានយល់ដឹងទិញ គ្មានសុវត្ថិភាពយកទៅប្រើប្រាស់បង្កឱ្យប៉ះពាល់សុខភាពកើតជាជំងឺ ដែលជាហេតុធ្វើឱ្យខាត បង់ថវិការក្នុងនិងថវិកាជាតិផងដែរ ៕
