ខេត្តមណ្ឌលគិរី៖ ឧកញ៉ា សឹង អុល ត្រូវបានគេស្គាល់ជាទូទៅថាជាពាណិជ្ជករកជួញដូរឈើ បច្ចុប្បន្នគាត់ជាដៃគូការកាប់ប្រមូល ផលអនុផលព្រៃឈើ របស់ក្រុមហ៊ុនដីសម្បទានសេដ្ឋកិច្ចមួយ ឈ្មោះ ប៊ិញ ហ្វឿក១ របស់វៀតណាម មានទីតាំងនៅឃុំព្រះឈូកស្រុកកែវសីមា។ តែក្រោមរូបភាពនេះ ឧកញ៉ា សឹង អុលមានសេចក្តីរាយការណ៍ថា កំពុងមានសកម្មភាពមមាញឹក ដឹកឈើគ្រប់ប្រភេទ ដែលកាប់ប្រមូលមកពីព្រៃក្រៅក្រុមហ៊ុន រាប់រយមែត្រគុបយកមកពីគ្រប់ទិសទីក្នុងស្រុកកែវសីមាចូលក្រុមហ៊ុន ធ្វើការអារជ្រៀក នឹងដឹកជញ្ជូន តាមរថយន្តយីឌុបធំៗរាល់ថ្ងៃ ។ក្នុងសកម្មភាពនេះឧកញ៉ា សឹង សំអុល បានឃុបឃិតជាមួយឈ្មោះជា វណ្ណះ មន្ទ្រីអាវុធហត្ថខេត្តមណ្ឌលគីរីប្រចាំទិសឃុំស្រែឈូក នឹងឃុំស្រែ ព្រះស្រុកកែវសីមាដោយប្រមូលទិញឈើពីរតំបន់ព្រៃអភិរក្សកែវសីមានឹងព្រៃកាពាតំបន់ភ្នំព្រិចដឹកចូលក្រុមហ៊ុនប៊ិញហ្វឿកមួយ ។
ប្រភពពី មន្ទ្រីបរិស្ថានមួយរូបបានបង្ហើបអោយដឹងថាចាប់តាំងពីមុនរដូវចូលឆ្នាំចិន ប្រមាណជាង២០ថ្ងៃ មកដល់ពេលនេះក្នុងមួយយប់ៗមួយថ្ងៃ ៗមិនតិចជាង២០ទៅ៣០រថយន្ថកែច្នៃនឹងរថយន្ថប្រកុងនោះទេដោយដឹកមកពីគ្រប់ទិសទី ។
មន្ត្រីអាវុធហត្ថឈ្មោះ ជា វណ្ណៈ បាននិងកំ ពុងគៀងគរប្រជាពលរដ្ឋនឹងក្រុមឈ្មួញទៅកាប់អាជ្រៀកឈើគ្រប់ប្រភេទមិនថាឈើប្រណិត ឬមិនប្រណីតនោះទគឺអោយតែមានមុ ខកាត់ធំៗគឺតម្រូវអោយកាត់អារទាំអស់ ។ ជាងនេះទៅទៀតបើមានក្បួនរទេះគោរឺរថយន្ថកែឆ្នៃណារមួយហ៊ានដឹករំលងជា វណ្ណះមិនព្រមលក់អោយនោះលោកជាវណ្ណះចាប់យកទាំងឈើនឹងសំភារៈទាំងអស់ ។
សកម្មភាពប្រព្រឹត្តបទល្មើសព្រៃឈើនាំទៅលក់នៅវៀតណាមនេះបានធ្វើឡើងដោយ យកច្បាប់ដីសម្បទានសេដ្ឋកិច្ចធ្វើជាសំអាងបិទបាំង ក្នុងការដឹកឈើមក ពីក្រៅដែនដីរបស់ក្រុមហ៊ុនដីសម្បទានសេដ្ឋកិច្ច ដែលហំព័ទ្ធដោយដីព្រៃរិចរឹលតូចៗរកតែប្រភេទឈើប្រណីតមួយ ដើមគ្មាននោះ ។ ការដឹកជញ្ជូនឈើប្រណីតនោះទៀតសោត ឧកញ៉ា សឹង អុល ធ្វើឡើងជ្រកក្រោមលិខិតអនុញ្ញាតអាជីវកម្មឈើក្រហម។ ក្រៅតែពីកាប់ និងប្រមូលឈើមិនស្របច្បាប់ ការនាំឈើចេញទៅវៀណាម ក៏បានក្លែងប្រភេទឈើក្នុងការគេចវេសបង់ពន្ធជូនរដ្ឋទៀតផង។
ឧកញ៉ា សឹង អុល បានដឹកជញ្ជូនឈើប្រណីតតាមរថយន្តយីឌុបទាំងខ្សែៗ ទៅកាន់ប្រទេសវៀតណាមគ្មានលោះថ្ងៃឡើយ ចេញពីស្រុកកែវសីមាខេត្តមណ្ឌលគិរី កាត់តាមស្រុកស្នួល ខេត្តក្រចេះ ឆ្ពោះទៅកាន់ស្រុកមេមុត ខេត្តត្បូងឃ្មុំ ចេញតាមច្រករបៀងទន្លេចាម ក្នុងឃុំជាំក្រវៀន ច្រកដូង៧ដើម និងច្រករបៀងបឹងជ្រោង ជាដើម ដែលមានការសម្របសម្រួលពីមន្ត្រីមានអំណាចក្នុងខេត្ត និងមន្ត្រីតាមច្រកចាំទទួលយករបបក្បាលឡាន យ៉ាងស្ងៀមស្ងាត់។
ប្រជាសហគមន៍ក្នុងឃុំស្រែឈូកបាននិយាយថា ក្រុមហ៊ុន ប៊ិញ ហ្វឿក១ ជាក្រុមហ៊ុនដីសម្បទានសេដ្ឋកិច្ចរបស់វៀតណាម មួយដែលកំពុងប្រគលសិទ្ធឲ្យ ឧកញ៉ា សឹង អុល កាប់ប្រមូលផលអនុផលព្រៃឈើក្រៅដីរបស់ខ្លួនទូទាំងស្រុកកែវសីមា រាប់រយម៉ែត្រគូប ចូលក្នុងក្រុមហ៊ុន អារ ច្រៀកដឹកបន្តតាមរថយន្តធំៗ ចេញជាច្រើនឆ្នាំមកហើយ មិនថារដូវប្រាំង ឬវស្សានោះទេ ដោយគេយកច្បាប់វិរិយោគដីសម្បទានសេដ្ឋកិច្ចធ្វើជាលេស ដើរប្រមូលទិញឈើប្រណីតមកពីក្នុងឃុំស្រែឈូក ស្រែព្រះ ចុងផ្លាស់ មេម៉ង នឹងគ្រប់ទិស ទីក្នុងស្រុកកែវសីមា ដែលសុទ្ធសឹងតែទីតាំងខាងលើស្ថិតក្នុងតំបន់អភិរក្សជីវៈចំរុះសីមា នឹងដែនជំរកសត្វព្រៃភ្នំព្រិច បញ្ហានេះគេធ្វើឡើងរាប់សិបឆ្នាំមកហើយដោយមន្ត្រីមូលដ្ឋាប និងមន្ត្រីជំនាញពាក់ព័ន្ធនៅទីនោះ និងទៅពីភ្នំពេញឃុបឃឹតគ្នា។
លោក ហា តាំបាំង អគ្គនាយករង ក្រុមហ៊ុន ប៊ិញ ហ្វឿក១ បានអោយកាសែតដឹងថា ក្រុមហ៊ុន ប៊ិញ ហ្វឿក១ជាក្រុមហ៊ុនរដ្ឋរបស់ប្រទេសវៀតណាម ដែលបានទទួលសិទ្ធវិរិយោគលើផ្ទៃដី៥១០០ហិកតា ពីរដ្ឋាភិបាលកម្ពុជាក្នុងឆ្នាំ២០១២ បច្ចុប្បន្នក្រុមហ៊ុនធ្វើការឈូកឆាយបានប្រមាណ៨៥% ក្នុងនោះធ្វើការដាំដុះកៅស៊ូបាន៦០%ហើយ។ លោកបន្តទៀតថា ចំពោះការប្រមូល ផលអនុផលព្រៃឈើ គឺមានក្រុមហ៊ុនជាដៃគូរបស់ក្រុមហ៊ុន លោក ឧកញ៉ា សឹង អុល ជាអ្នកប្រមូល ហើយរឿងដឹកឈើ ចូល ក្រៅដែនខាងលើ មិនអ្វីទាំងអស់មិនពាក់ព័ន្ធនិងក្រុមហ៊ុនលោកទេក្រុមហ៊ុនលោកយកតែ ដីដាំកៅស៊ូទេ នោះជារឿងលោក ឧកញ៉ា សឹង អុល ៕
