នាយឧត្តមសេនីយ៍ ឈិន ច័ន្ទពណ៌ ផ្ញើលិខិតថ្លែងអំណរគុណ ដល់អ្នកចូលរួមក្នុងពិធីបណ្យសព និងផ្ញើលិខិតរំលែកទុក្ខ ចំពោះមរណភាពភរិយារបស់លោក

(ភ្នំពេញ)៖ នាយឧត្តមសេនីយ៍ ឈិន ច័ន្ទពណ៌ អគ្គមេបញ្ជាការរង កងយោធពលខេមរភូមិន្ទ បានផ្ញើលិខិតថ្លែងអំណរគុណដល់សម្តេច ឯកឧត្តម លោកជំទាវ អ្នកឧកញ៉ា ឧកញ៉ា លោក លោកស្រី ដែលបានចូលរួមក្នុងពិធីបណ្យសព និងផ្ញើលិខិតរំលែកទុក្ខយ៉ាងក្រៀមក្រំ ចំពោះមរណភាពភរិយារបស់លោក គឺលោកជំទាវ ច័ន្ទ ផល្លី។

នាយឧត្តមសេនីយ៍ ឈិន ច័ន្ទពណ៌ បញ្ជាក់ក្នុងលិខិតរបស់លោកថា ការចូលរួមរំលែកទុក្ខនេះ បានបញ្ជាក់នូវទឹកស្រឡាញ់រាប់អានដ៏ជ្រាលជ្រៅបំផុត ចំពោះរូបលោក និងភរិយា ព្រមទាំងក្រុមគ្រួសារ ដែលមិនអាចបំភ្លេចបាននូវសមាចិត្តដ៏ថ្លៃថ្លា ឧត្តុង្គឧត្តមររបស់សម្តេច ឯកឧត្តម លោកជំទាវ អ្នកឧកញ៉ា ឧកញ៉ា លោក លោកស្រី។

លោក និងក្រុមគ្រួសារ សូមប្រសិទ្ធពរជ័យសិរីមង្គល វិបុលសុខា បវរមហាប្រសើរជូន សម្តេច ឯកឧត្តម លោកជំទាវ អ្នកឧកញ៉ា ឧកញ៉ា លោក លោកស្រី សូមប្រកបដោយពុទ្ធពរទាំង៥ប្រកាស គឺអាយុ វណ្ណៈ សុខៈ ពលៈ និងបដិភាណៈ កុំបីឃ្លៀងឃ្លាតឡើង៕