ខេត្តសៀមរាប ៖ បទល្មើសព្រៃឈើនៅក្នុងទឹកដីសៀមរាបនៅតែបន្តយ៉ាងសកម្មជាពិសេសមេឈ្មួញដុះស្លែឈ្មោះចាន់ណានៅតែបន្តធ្វើសកម្មភាពដឹកជញ្ជូនបទល្មើសព្រៃឈើយ៉ាងសកម្មសមត្ថកិច្ចនិង មន្ត្រីជំនាញរដ្ឋបាលព្រៃឈើក្នុងខេត្តសៀមរាប មិនមានចំណាត់ការទាល់តែសោះ។ នេះជាហេតុធ្វើឲ្យមហាជនដាក់ការសង្ស័យថាដោយមានឃុបឃិតគ្នាជាប្រព័ន្ធតាំងពីថ្នាក់ក្រោមដល់ថ្នាក់លើ។
ជាក់ស្តែងនៅថ្ងៃទី១២ ខែកុម្ភៈ ឆ្នាំ២០២២ នេះ មានករណីគ្រោះថ្នាក់ចរាចរណ៍មួយ រវាងរថយន្តនិងម៉ូរម៉កដឹកបទល្មើសព្រៃឈើដាក់ឡើងពេញព្រៀប បណ្តាលឲ្យមានករណីគ្រោះថ្នាក់ចរាចរណ៍មួយនៅ ចំណុចផ្លូវបំបែកជា៤ ជិតស្ថានីយ៍ប្រងឥន្ទន:អ៊ុកសុខុម ខាងកើតស្ពានក្រវ៉ាត់ក្រុង៥០០ម៉ែត្រ ស្ថិតនៅភូមិកក្រាញ់ សង្កាត់សៀមរាប ក្រុងសៀមរាប.នៅវេលា ម៉ោង១១.០០នាទីព្រឹកថ្ងៃទី១២.០២.២០២២ ករណីគ្រោះចរាចរណ៍ខាងលើមិនបង្កឲ្យមានអ្នកស្លាប់ឡើយ។
ប្រភពឲ្យដឹងថា ឈ្មួញដុះស្លែខាងលើគេតែងតែធ្វើសកម្មភាពដឹកជញ្ជូនបទល្មើសចេញពីខេត្តព្រះវិហារទាំងយប់ ទាំងថ្ងៃ ឆ្ពោះមកខេត្តសៀមរាបយ៉ាងអាណាធិបតេយ្យដោយពុំខ្លាចញញើតនិងច្បាប់សោះឡើយ។
ម្យ៉ាងវិញទៀត ឈ្មួញហាក់បីដូចជាមានខ្នងបង្អែកនៅពីក្រោយខ្នងទើបគេធ្វើសកម្មភាពដឹកជញ្ជូនយក ចែកចាយឈើតាមដេប៉ូភូមិជន្លង់និងក្រវ៉ាត់ក្រុងក្នុងខេត្តសៀមរាប បានយ៉ាងរលូន។
ជាការស្នើសុំពីមហាជនសូមសំណូមពរដល់ ឯកឧត្តទៀសីហាអភិបាលនៃគណះអភិបាលខេត្តមេត្តាជួយមានវិធានការបង្ក្រាបមេឈ្មួញដឹកបទល្មើសព្រៃឈើ ខាងលើផងទា៕
