សម្តេចក្រឡោហោម ស ខេង ៖ សេចក្តីព្រាងព្រះរាជក្រឹត្យស្តីពីឧកញ៉ាឈានដល់ដក ឬដាក់គោរមងារ នឹងបញ្ចប់នៅឆ្នាំ២០២២

សម្តេចក្រឡាហោម ស ខេង ឧបកនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានបញ្ជាក់សេចក្តីព្រាងព្រះរាជក្រឹត្យស្តីពីឧកញ៉ាដែលឈានដល់ដក និងដាក់គោរមងានឹងបញ្ចប់នៅឆ្នាំ២០២២នេះ។

សម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានលើកឡើងក្នុងពិធីពិសាអាហារសាមគ្គីជាមួយថ្នាក់ដឹកនាំ សមាគមមូលនិធិសម្ដេចតេជោ ដើម្បីអភិវឌ្ឍន៍សហគ្រាសធុនតូច និងមធ្យមនៅកម្ពុជា ប្រារព្ធនៅសណ្ឋាគារភ្នំពេញ កាលពីថ្ងៃ៩កើត ខែមាឃ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃព្រហស្បតិ៍ ទី១០ ខែកុម្ភៈ ឆ្នាំ២០២២ថា ការរៀបចំលិខិតបទដ្ឋានគតិយុត្តពាក់ព័ន្ធនឹងឧកញ៉ា ដោយសម្ដេចបានឱ្យដឹងថាសម្ដេចកំពុងដឹកនាំរៀបចំសេចក្ដីព្រាង ព្រះរាជក្រឹត្យស្ដីពីឧកញ៉ា ដែលអាចនឹងបញ្ចប់នៅឆ្នាំ២០២២នេះ។ សម្ដេចបន្តថា នៅក្នុងដំណើរការសិក្សារៀបចំសេចក្ដីព្រាងនេះ ក៏នឹងមានការជជែកពិភាក្សារវាងតំណាងរាជរដ្ឋាភិបាល ជាមួយនឹងសមាគមឧកញ៉ាផងដែរ។

សម្ដេចក្រឡាហោម គូសបញ្ជាក់ថា «នៅក្នុងការរៀបចំសេចក្ដីព្រាងព្រះរាជក្រឹត្យថ្មី អាចនឹងមានចែងកំណត់ អំពីការផ្ដល់គោរមងារ ការកំណត់អំពីកាតព្វកិច្ចរបស់ឧកញ៉ា និងលក្ខខណ្ឌ នៃការសម្រេចដកគោរមងារ ក្នុងន័យដើម្បីលើកតម្កើងតម្លៃ នៃគោរមងារជាឧកញ៉ា ។ បន្ទាប់ពីរៀបចំព្រះរាជក្រឹត្យនេះហើយនោះ សមាគមឧកញ៉ាក៏ត្រៀមលក្ខណៈរៀបចំខ្លួនឱ្យបានសមស្របទៅនឹងខ្លឹមសារព្រះរាជក្រឹត្យថ្មីផងដែ រ»។

សួមជម្រាបថា នៅក្នុងប្រទេសកម្ពុជាមានគោរមងាជាឧកញ៉ាជាង ១ ០០០នាក់ គិតត្រឹមឆ្នាំ២០២១ ហើយពេលកន្លងមកនេះក៏មានករណីឧកញ៉ាមួយចំនួនបានប្រព្រឹត្តអំពើមិន គម្បី រហូតដល់មានការដកងារជាឧកញ៉ា ផងដែរ៕