កែប៖ ជានិច្ចលកាលគេសង្កេតឃើញថា អាជ្ញាធរក្នុងតំបន់ខេត្តកែប តែងតែយកចិត្តទុកដាក់ខ្ពស់ចំពោះប្រជាពលរដ្ឋគ្រប់មជ្ឈដ្ឋាន និងរួមសុខរួមទុក្ខគ្រប់ពេល ខណៈពលរដ្ឋក្នុងតំបន់ជួបការលំបាក ។
ជាក់ស្តែងកាលពីព្រឹកថ្ងៃទី២៥ ខែកុម្ភៈ ឆ្នាំ២០១៧គេឃើញវត្តមាន ឯកឧត្តម កែន សត្ថា អភិបាលនៃគណៈអភិបាលខេត្តកែបនិងជាប្រធានគណៈកម្មាធិការសាខាកាកបាទក្រហមខេត្តកែប ហែរហមដោយលោក លោកស្រីជាសមាជិកសាខា អនុសាខា បានចុះសួរសុខទុក្ខដល់លោកវរៈសេនីយ៍ទោ មាស សារិទ្ធិ នាយរងសេនាធិការនៃបញ្ជារដ្ឋានកងរាជអាវុធហត្ថខេត្តកែបម្នាក់ដែលកំពុងឈឺធ្ងន់ដែលបានសំរាកព្យាបាលនៅឯលំនៅដ្ឋានរបស់លោកផ្ទាល់ ស្ថិតក្នុងភូមិថ្មី សង្កាត់ព្រៃធំ ក្រុង-ខេត្តកែប។
ក្រៅពីបានសួរសុខទុក្ខ ឯកឧត្តមអភិបាលខេត្ត បានពាំនាំនូវគ្រឿងឧបភោគ បរិភោគ មួយចំនួនរបស់សម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុន សែន ប្រធានកាកបាទក្រហមកម្ពុជា រួមមាន៖ ទឹកសុទ្ធមួយកេះ ទឹកត្រីមួយយួរ មីមួយកេះ ត្រីខកំប៉ុងពីរយួរ ទឹកដោះគោឆៅពីរឡូ ទឹកផ្លែឈើមួយកេះនិងថវិកាចំនួន៥០មឺុនរៀល។ដោយឡែកក្នុងពេលដដែលនេះឯកឧត្តម កែន សត្ថា រួមនិងសការី ក៏បានទៅសួរសុខទុក្ខមន្ត្រីកងរាជអាវុធហត្ថម្នសក់ទៀតដែលកំពុងមានបញ្ហាក្នុងជីវភាពប្រចាំថ្ងៃ ដោយបានជួយឧបត្ថម្ភនូវសម្ភារៈមួយចំនួននិងថវិកាចំនួន២០ម៉ឺនផងដែរ៕
ណារិទ្ធ
