ខេត្តប៉ៃលិន ៖ រហូតមកដល់បច្ចុប្បន្ននេះទៅហើយ ព្រៃឈើនៅក្នុងដែនតំបន់អភិរ ក្សជាច្រើនកន្លែង ក្នុងក្រុងប៉ៃលិន កំពុងទទួលរងនូវការវិនាសសកម្ម គួរឱ្យព្រួយបារម្ភ ដោ យក្នុងនោះមានប្រជាពលរដ្ឋសាមញ្ញ និងមន្ត្រីរាជការមួយចំនួន ក៏បានបន្តកាប់បំផ្លាញព្រៃរានយកដី ដាំដំណាំធ្វើជាកម្មសិទ្ធិផ្ទាល់ខ្លួនផងដែរ ។
ជាពិសេសព្រៃឈើនៅតំបន់ភូមិភ្នំដំ បង ភូមិក្រចាប់ ភូមិអូរប្រើស សង្កាត់អូរតាវ៉ៅ ក្រុងប៉ៃលិន រហូតមកដល់ភូមិបហ៊ុយ ភូមិអូរច្រាកើត សង្កាត់បយ៉ាខា ក្រុងប៉ៃលិន ទទួលរងការកាប់បំផ្លាញជិតខ្ទេចខ្ទីអស់រលីងទៅហើ យ ទើបក្រោយមកខាងមន្ទីរបរិស្ថាន និងមន្ត្រីឧទ្យានុរក្ស បានសហការជាមួយមន្ត្រីយោធា មួយចំនួន បានចុះបង្ក្រាបតែម្តង ។
ប្រភពព័ត៌មានពីលោក គឹម សុខា ប្រធានមន្ទីរបរិស្ថានខេត្តប៉ៃលិន ឱ្យដឹងថា កាលពីព្រឹកថ្ងៃទី១៧ ខែកុម្ភៈ ឆ្នាំ២០១៧ កន្លងទៅ ខាងមន្ត្រីរបស់លោក បានសហការជាមួយមន្ត្រីយោធា ចុះធ្វើការទប់ស្កាត់ បង្ក្រាបបទល្មើសកាប់បំផ្លាញ ធនធានធម្មជាតិតាមខ្សែក្រវ៉ាត់ព្រំដែន នៅត្រង់ចំណុចអូរតាផៃ ក្នុងភូមិបហ៊ុយ សង្កាត់បយ៉ាខា ក្រុងប៉ៃលិន ហើយបានប្រទះឃើញកន្លែងកាប់ទន្ទ្រានព្រៃឈើ យកដីធ្វើជាកម្មសិទ្ធិ នៅក្បែរដីដែលមានម្ចាស់ឈ្មោះ យាយ ម៉ៅ ត្រង់ក្បែរចំការខ្លឹមច័ន្ទគ្រឹស្នា ក្នុងភូមិខាងលើ ។
លោកបន្តទៀតថា ក្រោយមកខាងមន្ត្រីបានស៊ើបសួរប្រជាពលរដ្ឋ នៅក្បែរកន្លែងនោះ គេប្រាប់ថា ជាដីរបស់យោធាម្នាក់ ឈ្មោះ សឿន ភារុន រស់នៅក្រុងប៉ៃលិន ជាអ្នកកាប់ ដោយបានយកម៉ាស៊ីនត្រង់ស៊ីន័រ ទៅអារផ្តួលរំលំដើមឈើអស់ជាច្រើនផងដែរ ។
លោក គឹម សុខា បន្តទៀតថា ខាងលោកពិតជាមានការលំបាកក្នុងការបង្ក្រាបបទល្មើសព្រៃឈើទាំងនេះ ព្រោះចុះទៅទប់ស្កាត់នៅខាងកើត គេនាំគ្នារត់ទៅកាប់ខាងលិច ជួនកាលពេលមន្ត្រីរបស់លោកសម្រាកពីការងារ ១ថ្ងៃ ជាឱកាសល្អ គេនាំគ្នាលួចកាប់បំផ្លា ញអស់ជាច្រើន ។
ទោះបីជាយ៉ាងណា ខាងលោកនឹងហៅមន្ត្រីយោធាម្នាក់ ដែលជាប់ពាក់ព័ន្ធខាងលើយកមកសួរនាំ ដើម្បីធ្វើកិច្ចសន្យារាងចាល បញ្ឈប់ការកាប់បំផ្លាញនេះ ហើយបើមិនព្រមទេ ខាងលោកនឹងកសាងសំណុំរឿង បញ្ជូនទៅអយ្យការអមសាលាដំបូងខេត្ត ។
ចំណែកប្រជាពលរដ្ឋរស់នៅក្នុងក្រុងប៉ៃលិន មានការព្រួយបារម្ភយ៉ាងខ្លាំង ចំពោះបញ្ហាអាកាសធាតុប្រែប្រួល ខណៈជនល្មើសនៅតែបន្តកាប់បំផ្លាញព្រៃឈើក្នុងដែន តំបន់អភិរក្ស បើទោះបីជាមានក្រុមមន្ត្រីបរិស្ថាន មន្ត្រីឧទ្យានុរក្ស និងមន្ត្រីយោធា ជាច្រើន នាក់ប្រចាំការ ការពារយ៉ាងណាក៏នៅតែមានបទល្មើសការកាប់បំផ្លាញដដែល ។
ប្រភពបន្តទៀតថា មើលទៅព្រៃឈើ ដែលនៅសេសសល់តិចតួច មិនអាចគង់វង់បានយូរទៀតទេ បើសិនជាមន្ត្រីទាំងនោះគ្មានឆន្ទៈក្នុងការទប់ស្កាត់នឹងការពារបែបនេះ ។ ម្យ៉ាងវិញទៀត អា កាសធាតុសព្វថ្ងៃកាន់តែក្តៅខ្លាំងទៅៗ ខណៈព្រៃឈើកាន់តែរលាយបន្តិចម្តងៗ ព្រោះអ្នកបំផ្លាញតិចតួច តែអ្នកទទួលរងផលប៉ះពា ល់គឺមនុស្សទាំងអស់គ្នាតែម្តង ៕ ដោយ ៖ នីយ៉ា
