លោក សុខ ពេញវុធ អភិបាលខណ្ឌដូនពេញ នាំយកជែលលាងដៃអំណោយរបស់សម្តេចកិត្តិព្រឹទ្ធបណ្ឌិត ជូនមន្ត្រីក្រោមឱវាទ

(ភ្នំពេញ)៖ នៅថ្ងៃសុក្រ ៤ រោច ខែបុស្ស ឆ្នាំឆ្លូវ ត្រីស័ក ពស ២៥៦៥ ត្រូវនឹងថ្ងៃទី២១ ខែមករា ឆ្នាំ២០២២ លោក សុខ ពេញវុធ អភិបាល នៃគណៈអភិបាលខណ្ឌដូនពេញ និងជាប្រធានកិត្តិយសអនុសាខាកាកបាទក្រហមកម្ពុជាខណ្ឌដូនពេញ និងលោកស្រី គង់ សុខហេង បានប្រគល់ជែលលាងដៃ ដែលជាអំណោយដ៏ថ្លៃថ្លារបស់សម្តេចកិត្តិព្រឹទ្ធ ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ធ្វើការចែកជូនដល់មន្ត្រីរដ្ឋបាលសង្កាត់ទាំង១១ ទីរួមផ្សារទាំង៣ និងមន្ត្រីរាជការ រដ្ឋបាលខណ្ឌដូនពេញ សម្រាប់ប្រើប្រាស់ប្រចាំថ្ងៃ ដើម្បីចូលរួមក្នុងការបង្កាទប់ស្កាត់ និង ប្រយុទ្ធប្រឆាំងមេរោគកូវីដ.១៩ ក្នុងមូលដ្ឋានខណ្ឌដូនពេញ៕