ថ្នាក់ដឹកនាំការងារនៃរាជរដ្ឋាភិបាលចុះជួយពង្រឹងគណបក្សប្រជាជនឃុំខ្នារសណ្តាយខេត្តសៀមរាប..!
សៀមរាប÷នៅថ្ងៃទី២២ខែមករា ឆ្នាំ២០២២ឯកឧត្តម សែម សុវណ្ណនី ប្រធានក្រុមការងាររាជរដ្ឋាភិបាល ចុះជួយឃុំខ្នារសណ្តាយ ស្រុកបន្ទាយស្រី ខេត្តសៀមរាប ជាអធិបតីដ៏ខ្ពង់ខ្ពស់ ក្នុងពិធីអបអរសាទរ សន្និបាតគណ:កម្មាធិការគណបក្សប្រជាជន ឃុំខ្នារសណ្តាយ។
ក្នុងពិធិសន្និបាតនេះឯកឧត្តម សែម សុវណ្ណនី មានប្រសាសន៍ថា នៅក្នុងឃុំខ្នារ សណ្តាយ ជាឃុំមានតំបន់ទេសចរណ៍ប្រាសាទបន្ទាយស្រី ដែលមានភ្ញៀវទេសចរណ៍ ជាតិនិងអន្តរជាតិមកទស្សនាជាប្រចាំ។ ដូច្នេះហើយឃុំនេះត្រូវបាន និងកំពុងបន្តអភិវឌ្ឍដូចជាស្ថាបនាផ្លូវ ដាក់អំពូលភ្លើងសូឡាដាក់បំភ្លឺផ្លូវ “គឺអំពូលបំភ្លឺផ្លូវភូមិឃុំមានសុវត្ថិភាព”, បាននិងកំពុងបន្តដាំដើមក្ងោក និងដើមសាកូរ៉ា នៅតាមដងផ្លូវជាតិ ដើម្បីជាសោភ័ណ្ណភាពឃុំ និងជាការទាក់ទាញដល់ភ្ញៀវទេសចរណ៍ផងដែរ។
ឯកឧត្តម សែម សុវណ្ណនី បានថ្លែងទៀតថា ក្រុមការងារចុះជួយឃុំខ្នារសណ្តាយ ក៏បានចុះជួយប្រជាពលរដ្ឋ ដោយធ្វើការសាងសង់ផ្ទះ ពីផ្ទះស្លឹក ទៅជាផ្ទះឈើប្រក់ស័ង្កសី ជាច្រើនខ្នងផ្ទះផងដែរ, សាងសង់សាលាបុណ្យ នៃភូមិនីមួយៗក្នុងឃុំ និងសាងសង់បង្គន់អនាម័យ ជូនប្រជាពលរដ្ឋ និងមានការងារអភិវឌ្ឍជាច្រើនទៀត។ ដោយឡែកនៅពេលខាងមុខដ៏ឆាប់ៗនេះ នឹងធ្វើការស្ថាបនាផ្លូវ១ខ្សែជាង៩គូឡូម៉ែត្រ ដែលមានទទឹង៦ម៉ែត្រ នៅក្នុងភូមិទួលក្រឡាញ់ ឃុំខ្នារសណ្តាយ បង្កភាពងាយស្រួលដល់ប្រជាពលរដ្ឋ ក្នុងការដឹកកសិផលទៅកាន់ទីផ្សារផងដែរ៕
