ភ្នំពេញ ៖ មន្ត្រីប្រតិភូ យុវជនមានសុវត្ថភាព ស.ស.យ.ក រាជធានីផ្នែក”៧១” ជិត១០នាក់ តំណាងលោក សាយ សំអាល់ ប្រធានសហភាព សហព័ន្ធយុវជនកម្ពុជា រាជធានីភ្នំពេញ បានចុះសំណេះសំណាល សួរសុខទុក ដោយពាំនាំនូវសកម្មភាពមនុស្សធម៌ មានជាអង្ករ ដើម្បីមកចែកជូនក្រុមការងារផ្នែកសណ្ដាប់ធ្នាប់ ខណ្ឌឫស្សីកែវ ចំនួន៥០នាក់ ។
សកម្មភាព មនុស្សធម៌របស់ ស.ស.យ.ក រាជធានីផ្នែក”៧១”នេះដែរ បានធ្វើឡើងនៅល្ងាចថ្ងៃទី១៧ ខែកុម្ភះ ឆ្នាំ២០១៧ ស្ថិតក្នុងបរិវេណសាលាខណ្ឌឫស្សីកែវ ដោយមានការ អញ្ជើញចូលរួមពីលោក ស៊ូ សោគន្ធ អភិបាលរងខណ្ឌឫស្សី កែវ តំណាងលោក ជា ពិសី អភិបាលខណ្ឌឫស្សីកែវ និងនា យការិយាល័យហិរញ្ញវត្ថុខណ្ឌលោក ឡេង ច័ន្ទវិសិទ្ធ រួមទាំ ងមន្ត្រីក្រុមយុវជន ស.ស.យ.ក ខណ្ឌឫស្សីកែវ ជាច្រើននាក់ ផងដែរ ។
ក្នុងសកម្មភាពមនុស្សធម៌នេះ តំណាងសហភាព សហព័ន្ធយុវជន ស.ស.យ.ក រាជធានីផ្នែក”៧១” បានលើកឡើងថា លោក សាយ សំអាល់ ប្រធានសហភាព សហព័ន្ធយុវជនកម្ពុជា រាជធានីភ្នំពេញ បានមើលឃើញពីការខិតខំប្រឹងប្រែង បំពេញភារកិច្ច របស់កម្លាំងសណ្ដាប់ធ្នាប់ខណ្ឌ ក៍បានចាត់ឲ្យ ក្រុមការងារយើង នាំយកអង្ករមកចែកជូនចំនួន៥០នាក់ ដោយក្នុងម្នាក់ៗទទួលបាន២០គីឡូក្រាម ។
តំណាងសហភាព សហព័ន្ធ យុវជន ស.ស.យ.ក រាជធានី ផ្នែក”៧១”បានលើកឡើងទៀតថា ថ្វីត្បិតតែអង្ករដែលចែកជូនដល់កម្លាំងសណ្ដាប់ធ្នាប់យើង វាមិនមានចំនួនច្រើនក៍ពិតមែន ប៉ុន្តែវាជាទឹកចិត្តរបស់ប្រធានសហភាព សហព័ន្ធយុវជនកម្ពុជា រាជធានីភ្នំពេញ ហើយចំពោះសកម្មភាពមនុស្សធម៌នេះ នៅតែបន្តជួយទៅដល់កម្លាំងសណ្ដាប់យើង ដោយមិន អាចបំភ្លេចបាន និងបន្តជួយទៅដល់កម្លាំងសណ្ដាប់ធ្នាប់ខ ណ្ឌនូវទូទាំងរាជធានីភ្នំពេញតែម្ដង ។
បន្ថែមពីនេះ លោក ស៊ូ សោគន្ធ អភិបាលរងខណ្ឌឫស្សីកែវ
ក៍បានលើកឡើងផងដែរថា លោកសូមថ្លែងអំណរគុណ យ៉ា ងជ្រាលជ្រៅ ចំពោះក្រុមការងារយុវជន ស.ស.យ.ក រាជធានី តំណាងលោក សាយ សំអាល់ ប្រធានសហភាព សហព័ ន្ឌយុវជនកម្ពុជារាជធានីភ្នំពេញ ដែលបានឆ្លៀតឱកាស នាំយកអង្ករ មកផ្ដល់ជូនដល់កម្លាំងសណ្ដាប់ធ្នាប់ ដែលបច្ចុប្បន្ននេះ កម្លាំងសណ្ដាប់ បានយកចិត្តទុកដាក់បំពេញ ភារកិច្ច ជូនប្រជាពលរដ្ឋបានយ៉ាងច្រើន ដោយមិនថាយប់ ឫថ្ងៃឡើយ ៕
