ម្ចាស់សង្វៀនជល់មាន់មួយកន្លែងនៅស្រុកកំពង់សៀម ខេត្តកំពង់ចាម នៅតែល្មើសនឹងបម្រាមទាំងនេះយ៉ាងគគ្រឹកគគ្រេង ដោយមិនខ្លាចរអានឹងការឆ្លងជំងឺកូវីដ១៩ សោះឡើយ
កំពង់ចាម ៖ ទោះបីជារាជរដ្ឋាភិបាលចេញបម្រាមនានាចំពោះការជួបជុំគ្នាច្រើន ពិសេសការជួបជុំប្រព្រឹត្តអំពើល្បែងស៉ីសង សេធគ្រឿងស្រវឹងយ៉ាងណាក៏ដោយ ក៏ម្ចាស់សង្វៀនជល់មាន់មួយកន្លែងនៅស្រុកកំពង់សៀម ខេត្តកំពង់ចាម នៅតែល្មើសនឹងបម្រាមទាំងនេះយ៉ាងគគ្រឹកគគ្រេង ដោយមិនខ្លាចរអានឹងការឆ្លងជំងឺកូវីដ១៩ សោះឡើយ។
👉.យោងតាមសេចក្តីរាយការណ៍បានឲ្យដឹងថា÷ ម្ចាស់ទីតាំងសង្វៀនជល់មាន់ឈ្មោះ វ៉ាន់ បើកលេងជាច្រើនខែមកហើយ គ្មានអាជ្ញាធរសមត្ថកិច្ចណាហ៊ានបង្ក្រាបនោះឡើយ ខណៈដែលចុះថតឡាយ ត្រូវបានម្ចាស់សង្វៀនបញ្ជល់មាន់ និងអាប៉ោង ដេញវាយទាញយកកាមេរ៉ា ទូរស័ព្ទ ធ្វើឲ្យអ្នកសារព័ត៌មានរត់បាតជើងសព្រាត។
👉.ប្រជាពលរដ្ឋបានឲ្យដឹងថា÷ ទីតាំងជល់មាន់បើកលេងជាច្រើនខែមកហើយ មិនដែលមានសមត្ថកិច្ចចុះមកបង្ក្រាបឡើយ គឺស្ថិតនៅចំម្ងាយពីរង្វង់មូល៣០០០ម៉ែត្រ ក្នុង ឃុំស្រក ស្រុកកំពង់សៀម ខេត្តកំពង់ចាម ដែលមានលេងល្បែងជល់មាន់ និងអាប៉ោងស្រែកហ៊ោកញ្ជ្រៀវ។
👉.ពាក់ព័ន្ធករណីនេះ សូមរាយការណ៍ជូនលោក ឯក ប៉ាន់ដន អធិការនគរបាលស្រុកកំពង់សៀម ខេត្តកំពង់ចាម មេត្តាទទួលជ្រាបផង ខណៈដែលប្រជាពលរដ្ឋកំពុងមានការភ័យខ្លាច ចំពោះជំងឺឆ្លងរាតត្បាត និងភាពអសន្តិសុខ ក្នុងមូលដ្ឋានដែលបង្កឡើងដោយ អំពើអបាយមុខល្បែងស៊ីសងខុសច្បាប់។ ជាមួយគ្នានោះ ក៏សូមស្នើដល់លោក ឯម កុសល ស្នងការខេត្តកំពង់ចាម ជួយត្រួតពិនិត្យមើលករណីនេះផងទាន។
ពលរដ្ឋមួយចំនួននៅស្រុកកំពង់សៀម បានសំណូមពរសូមស្នើដល់លោក ឯម កុសល ស្នងការខេត្តកំពង់ចាម ជួយត្រួតពិនិត្យមើល ករណីនេះផងទាន។
សូមមានវិធានការចំពោះពីទីតាំងបញ្ជល់មាន់ និងល្បែងអាប៉ោងខាងលើឲ្យមានប្រសិទ្ធភាពផង ដើម្បីចូលរួមទប់ស្កាត់ការឆ្លងរីករាលដាលនៃជំងឺកូវីដ១៩ និងក៏ដើម្បីអនុវត្តគោលនយោបាយរបស់រាជរដ្ឋាភិបាលស្ដីពីភូមិឃុំមានសុវត្ថិភាពផងដែរ៕
