សេចក្តីអំពាវនាវដល់និយោជកក្នុងវិសយ័សារពត៌មាន មានការយោគយល់ដោយមិនគួរកាត់បៀរវត្សរ៍ឬបញ្ឈប់បុគ្គលិកពីការងារអំទ្បុងពេលកូវីដ១៩
វេទិកានិពន្ធនាយកសារពត៌មានកម្ពុជា(វ.ន.ស.ក)លើកទី១៨ ដែលមានអ្នកសារពត៌មានជាង៦០នាក់ចូលរួម បានចេញនូវសេចក្តីថ្លែងការណ៍រួមមួយដោយបានអំពាវនាវដល់និយោជកក្នុងវិសយ័សារពត៌មានទាំងអស់សូមបន្តការអតធ្មត់និងយោគយល់ចំពោះស្ថានការណ៍លំបាកក្នុងអំទ្បុងកូវីដ១៩ ដោយមិនគួរកាត់បៀរវត្សរ៍ឬបញ្ឈប់បុគ្គលិកពីការងារនោះទ្បើយ។
ទន្ទឹមនោះវេទិកានិពន្ធនាយកសារពត៌មានកម្ពុជា បានបន្ថែមថា ក្នុងករណីដែលមានការបញ្ចប់កិច្ចសន្យាការងារ សូមនិយោជកអនុវត្តតាមច្បាប់ការងារឲ្យបានត្រឹមត្រូវ ដើម្បីកុំឲ្យប៉ះពាល់ដល់អត្ថប្រយោជន៍របស់អ្នកសារពត៌មាន។
វេទិកានិពន្ធនាយកសារពត៌មានកម្ពុជា ក៏បានអំពាវនាវ អ្នកសារពត៌មានទាំងអស់បន្តកិច្ចការងាររបស់ខ្លួន ដោយរក្សាឲ្យបាននូវក្រមសីលធម៌ វិជ្ជាជីវៈ ទោះបីជាស្ថិតក្នុងស្ថានភាពលំបាកយ៉ាងណាក៏ដោយ៕
