ក្រុមការងារថ្នាក់ជាតិចុះជួយឃុំកោងកាង ស្រុកពញាក្រែក រៀបចំការបោះឆ្នោតស្ទាបស្ទងជ្រើសរើសបេក្ខភាពឈរឈ្មោះក្រុមប្រឹក្សាឃុំអាណត្តិទី៥សម្រាប់ឆ្នាំ២០២២-២០២៧ នាពេលខាងមុខ
ត្បូងឃ្មុំ៖ ប្រធានក្រុមការងារថ្នាក់ជាតិចុះជួយឃុំកោងកាង ស្រុកពញាក្រែក ខេត្តត្បូងឃ្មុំ បានផ្តាំផ្ញើឲ្យសមាជិកគណបក្សប្រជាជនកម្ពុជា ត្រូវយកចិត្តទុកដាក់ និងត្រូវបំរេីសេវាសាធារណៈប្រជាពលរដ្ឋឲ្យបានល្អប្រសេីរនៅតាមមូលដ្ឋាន។
ការថ្លែងបែបនេះធ្វើឡើងក្នុងឱកាសដែរ ឯកឧត្ដម ឯក ក្រិត្យ រដ្ឋលេខាធិការក្រសួង សង្គមកិច្ច អតីតយុទ្ធជន និងយុវនីតិសម្បទា និងជាប្រធានក្រុមការងារថ្នាក់ជាតិចុះជួយឃុំកោងកាង ស្រុកពញាក្រែក អញ្ជេីញជាអធិបតី ក្នុងពិធី បោះឆ្នោតស្ទាបស្ទង់ជ្រេីសរេីសបេក្ខភាពឈរឈ្មោះក្រុមប្រឹក្សាឃុំ អាណត្តិទី៥សម្រាប់ឆ្នាំ២០២២-២០២៧ ដែលធ្វេីឡេីងនៅស្នាក់ការគណបក្សប្រជាជនកម្ពុជាឃុំកោងកាង ស្រុកពញាក្រែក ខេត្តត្បូងឃ្មុំ។
ឯកឧត្ដម ឯក ក្រិត្យ តំណាងដ៏ខ្ពង់ខ្ពស់ ឯកឧត្តម វង សូត រដ្ឋមន្រ្តីក្រសួងសង្គមកិច្ចអតីតយុទ្ធជននិងយុវនីតិសម្បទានិងជាប្រធានក្រុមការងារថ្នាក់ជាតិចុះជួយស្រុកពញាក្រែក បានជម្រុញដល់មន្ត្រីគណបក្សប្រជាជនកម្ពុជា តាមមូលដ្ឋាន បន្តខិតខំប្រឹងប្រែងបន្ថែមទៀតលេីការយកចិត្តទុកដាក់ មេីលថែរក្សា ផ្តល់ភាពកក់ក្តៅ និងពង្រឹងសមត្ថភាពសមាជិកសមាជិកាដែលត្រូវឈរឈ្មោះជាបេក្ខភាព របស់គណបក្សប្រជាជនកម្ពុជាជ្រេីសរេីសក្រុមប្រឹក្សាឃុំសង្កាត់ អាណត្តិទី៥ ខាងមុខនេះ។
ឯកឧត្ដម ប្រធានបានជម្រុញដល់មន្ត្រីCPP មូលដ្ឋាន ត្រូវបន្តធ្វេីសកម្មភាពផុសផុលលេីចល័នារបស់គណបក្សឲ្យល្អប្រសេីរ និងមានប្រជាប្រិយភាពបន្ថែមទៀត និងជាពិសេសនោះសមាជិកសមាជិកាយេីងត្រូវពិនិត្យមេីលឯកសារដែលពាក់ព័ន្ធសម្រាប់ដំណេីរការបោះឆ្នោតបានគ្រប់គ្នាៗ។
ជាចុងក្រោយ ឯកឧត្ដម ឯក ក្រិត្យ រដ្ឋលេខាធិការក្រសួង សង្គមកិច្ច អតីតយុទ្ធជន និងយុវនីតិសម្បទា និងជាប្រធានក្រុមការងារថ្នាក់ជាតិចុះជួយឃុំកោងកាង ស្រុកពញាក្រែកតំណាង ឯកឧត្តម វង សូត រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា និងជាប្រធានក្រុមការងារថ្នាក់ជាតិចុះជួយ ស្រុកពញាក្រែក ខេត្តត្បូងឃ្មុំ និងឃុំជាច ស្រុកកំចាយមារ ខេត្តព្រៃវែង បានជម្រុញដល់អាជ្ញាធរទាំងអស់ត្រូវយកចិត្តទុកដាក់ការពារ ទប់ស្កាត់ការឆ្លងរីករាលដាលជម្ងឺកូវីដ-១៩ ព្រោះថាកូវីដមិនភ្លេចយេីងទេ ដោយត្រូវបន្តអនុវត្តន៍បីកុំ និងបីការពារ និងត្រូវរៀនរស់តាមគន្លងថ្មី និងរួមគ្នាអនុវត្តន៍គោលនយោបាយភូមិឃុំមានសុវត្ថិភាពឲ្យបានល្អប្រសេីរ។
សូមជម្រាបជូនថា សម្រាប់ឃុំកោងកាង ស្រុកពញាក្រែក ខេត្តត្បូងឃ្មុំនេះ បេក្ខភាពដែលត្រូវបោះឆ្នោតស្ទាបស្ទង់ជ្រេីសរេីសក្រុមប្រឹក្សាឃុំ អាណត្តិទី៥ មានសរុប២៤រូប ហេីយ ក្នុងនោះត្រូវអង្គបោះឆ្នោតមានចំនួន១០២រូប៕
