នៅព្រឹកថ្ងៃទី០៤ ខែវិច្ចិកា ឆ្នាំ២០២១ លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម បានដឹកនាំកិច្ចប្រជុំត្រួតពិនិត្យ និងពង្រឹងការងារជំនាញ នៅអធិការដ្ឋាននគរបាលស្រុកស្រីសន្ធរ ។
កិច្ចប្រជុំនេះមានការអញ្ជេីញចូលរួមពីលោកស្នងការរង និងជាអនុប្រធានក្រុមការងារតាមដានត្រួតពិនិត្យ ពង្រឹងដឹកនាំអធិការដ្ឋាននគរបាលស្រុកស្រីសន្ធរ លោក-លោកស្រីនាយការិយាល័យនគរបាលព្រហ្មទណ្ឌកម្រិតស្រាល,នគរបាលចរាចរណ៍ផ្លូវគោក,ប្រឆាំងគ្រឿងញៀន,កិច្ចការប៉ុស្តិ៍នគរបាលរដ្ឋបាល លោក-លោកស្រីអធិការ-អធិការរង លោក-លោកស្រីនាយផ្នែក លោក-លោកស្រីនាយ-នាយរងប៉ុស្តិ៍នគរបាលរដ្ឋបាលទាំង១៤ នៃអធិការដ្ឋាននគរបាលស្រុកស្រីសន្ធរ ។
បន្ទាប់ពីកិច្ចប្រជុំចប់ លោកឧត្តមសេនីយ៍ស្នងការបានបន្តចុះត្រួតពិនិត្យមេីលការជួសជុលកែលម្អអាគារអធិការដ្ឋាននគរបាលស្រុកស្រីសន្ធរ ដែលបាននឹងកំពុងជួសជុលអាគារទាំងមូល ដេីម្បីបង្កលក្ខណៈងាយស្រួល និងសមស្របជាទំរងរដ្ឋបាល ដល់មន្រ្តីបំរេីការងារប្រចាំថ្ងៃ ផងដែរ ៕
