(កំពង់ចាម):នៅរសៀលថ្ងៃទី២៨ ខែតុលា ឆ្នាំ២០២១ លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម អញ្ជើញចូលរួមក្នុងពិធីប្រកាសចូលកាន់តំណែងប្រធានមន្ទីរសាធារណការ និងដឹកជញ្ជូនខេត្តកំពង់ចាម ក្រោមអធិបតីភាព ឯកឧត្តម ស៊ុយ សាន រដ្ឋលេខាធិការក្រសួងសាធារណការ និងដឹកជញ្ជូន តំណាងដ៍ខ្ពង់ខ្ពស់ ឯកឧត្តម ស៊ុន ចាន់ថុល ទេសរដ្ឋមន្រ្តី រដ្ឋមន្ត្រីក្រសួងសាធារណការ និងដឹកជញ្ជូន និងឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម ។
គួរបញ្ជាក់ផងដែរថា លោក សុខ លឹមហៀង អនុប្រធានមន្ទីរសាធារណការ និងដឹកជញ្ជូនខេត្តកំពង់ចាម ត្រូវបានតែងតាំងជាប្រធានមន្ទីរសាធារណការ និងដឹកជញ្ជូនខេត្តកំពង់ចាម ជំនួសលោក សុខ ស្រ៊ុន ប្រធានមន្ទីរសាធារណការ និងដឹកជញ្ជូនខេត្តកំពង់ចាម ដែលត្រូវបានផ្ទេរភារកិច្ចថ្មីទៅបំរេីការងារនៅទីស្តីការក្រសួងសាធារណការ និងដឹកជញ្ជូនវិញ ។
កម្មវិធីនេះដែរ ប្រព្រឹត្តទៅនៅសាលសន្និសីទសាលាខេត្ត ដោយមានការអញ្ជេីញចូលរួមពីសំណាក់៖ ឯកឧត្តមប្រភិភូអមដំណេីរ ឯកឧត្តម លោកជំទាវ អភិបាលរងខេត្ត កងកម្លាំងប្រដាប់អាវុធទាំងបី លោក-លោកស្រីប្រធានមន្ទីរអង្គភាពជុំវិញខេត្ត អភិបាល នៃគណៈអភិបាលស្រុក និងសមាជិកសមាជិកាជាច្រេីនរូបផ្សេងទៀត ៕
