ឯកឧត្តម ម៉ៅ ធនិន អភិបាលនៃគណអភិបាលខេត្តកំពត ចុះសំណេះសំណាលសាកសួរសុខទុក្ខ និងផ្ដល់អំណោយមនុស្សធម៌ជូនដល់គ្រួសាររងគ្រោះដោយសារខ្យល់កន្ត្រាក់ចំនួន៧៤ ខ្នងផ្ទះ នៅស្រុកបន្ទាយមាស
………………………
(ខេត្តកំពត)៖ នៅរសៀលថ្ងៃសុក្រ ១រោច ខែអស្សុជ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២២ ខែតុលា ឆ្នាំ២០២១ ឯកឧត្តម ម៉ៅ ធនិន អភិបាល នៃគណៈអភិបាលខេត្តកំពត បានអញ្ជើញ សំណេះសំណាលសាកសួរសុខទុក្ខ និងផ្ដល់អំណោយមនុស្សធម៌ជូនដល់គ្រួសាររងគ្រោះដោយសារខ្យល់កន្ត្រាក់ចំនួន៧៤ ខ្នងផ្ទះ នៅស្រុកបន្ទាយមាស។
ពិធីនេះប្រព្រឹត្តទៅក្នុងបរិវេណវត្តពោធិ៍ធំភ្នំល្ងៀង ដោយមានការចូលរួមពី លោកអភិបាលរងខេត្ត លោក លោកស្រី សមាជិក សមាជិកា គណៈកម្មាធិការសារខា មន្ត្រីសាលាស្រុក អជ្ញាធរភូមិ ឃុំ ទីប្រឹក្សាយុវជន យុវជនកាកបាទក្រហមកម្ពុជា អ្នកស្ម័គ្រចិត្ត ក្រុមប្រតិបត្តិសារខា និងប្រជាពលរដ្ឋជាច្រើនទៀត។
អំណោយផ្ដល់ជូនរួមមាន អង្ករ២៥ គីឡូក្រាម,មី ចំនួន០១កេស,ត្រីខ កំប៉ុង ចំនួន០១ យួរ, ទឹកត្រី០១យួរ,ម៉ាស់ក្រណាត់ ចំនួន១០ ម៉ាស់ ថវិកា ចំនួន២០មុឺនរៀល និងតង់ចំនួន១ សម្រាប់អ្នកប៉ះពាល់លំនៅឋានធ្ងន់ធ្ងរ ថវិកាចំនួន ១០ មុឺនរៀល និងថវិកាចំនួន ៥មុឺនរៀល សម្រាប់អ្នករងផលប៉ះពាល់បន្តិចបន្តួច៕ សេង ណារិទ្ធ
