ឯកឧត្តម សុខ លូ ទទួលជួបសម្តែងការគួសម និងរាយការណ៍ពីវឌ្ឍនភាពរបស់សមាគមសហគ្រិនវ័យក្មេងកម្ពុជា នៅសាលា
ខេត្តបាត់ដំបង÷ ព្រឹកថ្ងៃអង្គារ ១៣កើត ខែអស្សុជ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១៩ ខែតុលា ឆ្នាំ២០២១ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង បានទទួលជួបសម្តែងការគួសម និងរាយការណ៍ពីវឌ្ឍនភាពរបស់សមាគមសហគ្រិនវ័យក្មេងកម្ពុជា នៅសាលប្រជុំសាលាខេត្តបាត់ដំបង ។ គោលបំណង នៃជំនួបសម្តែងការគួរសមនេះគឺ សមាគមសហគ្រិនវ័យក្មេងកម្ពុជា បានធ្វើបទបង្ហាញពីសកម្មភាព និងគោលដៅរបស់សមាគមនៅក្នុងខេត្តបាត់ដំង និងស្នើសុំការគាំទ្រសហការ ពីរដ្ឋបាលខេត្តបាត់ដំបង ក្នុងការសិក្សាស្រាវជ្រាវបន្ថែមទៅផែនការអភិវឌ្ឍ និងការរៀបចំសៀវភៅមគ្គុទេសក៍វិនិយោគសម្រាប់ខេត្តបាត់ដំបង ។ ក្នុងនោះផងដែរ ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង បានមានប្រសាសន៍ស្វាគមន៍ និងបង្ហាញពីចំណាប់អារម្មណ៍ ក្នុងការចូលរួម និងសហការសម្រាប់ការរៀបចំឱ្យមានសៀវភៅមគ្គុទេសក៍វិនិយោគសម្រាប់ខេត្តបាត់ដំបង ដែលការរៀបចំឡើងដោយសមាគមសហគ្រិនវ័យក្មេងកម្ពុជា ។ ឯកឧត្តម ក៏បានថ្លែងអំណរគុណ ដល់សមាគមសហគ្រិនវ័យក្មេងកម្ពុជា ដែលមានគំនិតផ្តួចផ្តើមក្នុងការរៀបចំសៀវភៅមគ្គុទេសក៍វិនិយោគសម្រាប់ខេត្តបាត់ដំបង។ ដោយលោក គង់ វ៉ាន់ដឿន
