សាខាកាកបាទក្រហមកម្ពុជា ខេត្តកំពង់ចាម ផ្តល់ជូនផ្ទះ១ខ្នង ដល់ស្រ្តីមេម៉ាយ ១គ្រួសារ រស់នៅស្រុកស្ទឹងត្រង់ !
(កំពង់ចាម) នៅព្រឹកថ្ងៃទី១៦ ខែតុលា ឆ្នាំ២០២១ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងជាប្រធានគណៈកម្មាធិការសាខាកាកបាទក្រហមកម្ពុជាខេត្ត អញ្ជើញអមដំណេីរ ឯកឧត្តម ហ៊ុន ណេង អ្នកតំណាងរាស្ត្រមណ្ឌលកំពង់ចាម និងជាប្រធានកិត្តិយសសាខាកាកបាទក្រហមកម្ពុជាខេត្តកំពង់ចាម អញ្ជេីញប្រគល់ផ្ទះកាកបាទក្រហមកម្ពុជា ផ្ទះ១ខ្នង ជូនស្រ្តីមេម៉ាយ១គ្រួសារ ឈ្មោះ សន វី រស់នៅភូមិដីលេី ឃុំពាមកោះស្នា ស្រុកស្ទឹងត្រង់ ខណៈផ្ទះរបស់អ្នកស្រីត្រូវបានអគ្គីភ័យឆាបឆេះនាពេលកន្លងទៅ ។
ក្នុងឱកាសនោះដែរ ឯកឧត្ដម ប្រធានកិត្តិយសសាខា និងឯកឧត្តមប្រធានគណៈកម្មាធិការសាខា បានធ្វើការសំណេះសំណាល និងសួរសុខទុក្ខជាមួយប្រជាពលរដ្ឋចំនួន ២០គ្រួសារ ប្រកបដោយភាពស្និទ្ធស្នាល តាមរបៀបនៃការរស់នៅក្នុងបរិបទកូវីដ-១៩ និងបាននាំយកអំណោយដ៏ថ្លៃថ្លារបស់ សម្ដេចកិតិ្តព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា រួមមាន:
-ឃីត ១កញ្ជប់ -អង្ករ២៥គីឡូ -ទទឹកស៉ីអ៉ីវ ១យួរ -ត្រីខ០១យួរ -មី០១កេស និងថវិកាចំនួន ២០,០០០ ផងដែរ ៕ ចៅ វង្ស
