ខេត្តប៉ៃលិន ៖ សេចក្តីរាយការណ៍ឲ្យដឹងថាលោក រ៉ិត គង់ ប្រធានការិយាល័យ គយ និងរដ្ឋាករ ច្រកអន្តរជាតិព្រំ ឡើងជំនួសលោក ម៉ៅ សំអឿន ដែលថ្នាក់លើដកយកទៅបញ្ឈរជើង ដោយសាររឿង ឃុបឃិតឲ្យឈ្មួញនាំចូលទំនិញគេចពន្ធ និងទំនិញខុសច្បាប់។ ការកោះហៅលោក ម៉ៅ សំអឿននេះមានការសន្និដ្ឋានថា អាចជាសកម្មភាពគោះទឹកតែប៉ុណ្ណោះ។ ព្រោះករណីនេះ លោកមេគយធំធ្លាប់បានធ្វើចំពោះមេគយច្រកអូររំដួលម្តងហើយ បានតែមួយដង្ហើមចង្រិតក៏បញ្ជូនត្រឡប់ទៅវិញ។
ប្រភពពីមន្ត្រីតូចតាច បានឲ្យដឹងថា កន្លងទៅ លោក រ៉ិត គង់ កាន់តំណែងជា អនុប្រធានការិយាល័យ គយ និងរដ្ឋាករ ច្រកអន្តរជាតិព្រំ គាត់ក៏មានចំណែកក្នុងការប្រព្រឹត្ត អំពើពុករលួយ និងទទួលសំណូកពីឈ្មួញ ជាមុខសញ្ញាបង់ពន្ធមិនគ្រប់។ ដូច្នេះក្នុងតំណែងជា ប្រធានការិយាល័យ គយ និងរដ្ឋាករ ច្រកព្រំ លោក រ៉ិត គង់ នៅតែគ្មានវិធានការទប់ស្កាត់ អំពើរត់ពន្ធ ដែលបំផ្លាញចំណូលថវិកាជាតិ ព្រោះគាត់មានទម្លាប់ចាំទទួលផល ពីការនាំចូល ទំនិញខុសច្បាប់ របស់ឈ្មួញធំៗ ដែលមានទំនាក់ទំនងល្អជាមួយគាត់។
ប្រភពបានបង្ហើបថា សព្វថ្ងៃនេះលោក រ៉ិត គង់ កំពុងមានទំនាក់ទំនងយ៉ាងជិតស្និទ្ធ ជាមួយមេឈ្មួញ ដែលនាំទំនិញគេចពន្ធ ពីប្រទេសថៃ ចូលទឹកដីខ្មែរ តាមច្រកអន្តរជាតិព្រំ ក្នុងមួយខែៗមិនតិចជាង ៣០០រថយន្តធំៗនោះទេ។ លោក រ៉ិត គង់ ត្រូវបានតែងតាំង ជាប្រធានការិយាល័យ គយ និងរដ្ឋាករ ច្រកអន្តរជាតិព្រំ ជំនួសលោក ម៉ៅ សំអឿន ដែលថ្នាក់លើដកយកទៅបញ្ឈរជើង ដោយសាររឿង ឃុបឃិតឲ្យឈ្មួញ នាំចូលទំនិញគេចពន្ធ និងទំនិញខុសច្បាប់។
គេនៅតែមើលឃើញថា លោក រ៉ិត គង់ មិនទាន់មានឆន្ទះច្បាស់លាស់ ធ្វើកំណែទម្រង់ នៅច្រកមួយនេះ ដើម្បីបង្កើនចំណូលពន្ធនៅឡើយទេ ពោលគឺលោក រ៉ិត គង់ កំពុងបន្តអនុវត្តន៍ រូបមន្តរបស់មេគយជំនាន់មុនក្នុងការរក្សាទុកមេឈ្មួញ៦ទៅ៧នាក់ ឲ្យដឹកទំនិញគ្រប់ប្រភេទ ឆ្លងកាត់ច្រកអន្តរជាតិព្រំ ខេត្តប៉ៃលិន ដោយបង់ពន្ធមិនគ្រប់យ៉ាងអនាធិបតេយ្យ។ ប្រភពបានទម្លាយឲ្យដឹងថា រាប់សិបឆ្នាំមកហើយ ក្រុមឈ្មួញបាននាំចូល ទំនិញគេចពន្ធ តាមឡានយីឌុបៗ ក៏ដូចជា កុងតឺន័រ ភាគច្រើនជាប្រភេទទំនិញខុសច្បាប់ ដែលត្រូវបង់ពន្ធខ្ពស់ ដោយបង់ពន្ធត្រឹមតែ ៣០ទៅ៤០ ភាគរយប៉ុណ្ណោះ និងបង់ត្រឹមតែជាទំនិញចម្រុះ និងគ្រឿងបន្លាស់នាំឲ្យរដ្ឋខាតបង់ ចំណូលពន្ធ រាប់សិបលានរៀលក្នុងមួយខែៗ។
រថយន្តកុងតឺន័រ ភាគច្រើនបានដឹក មានប្រភេទរថយន្តទំនើបៗកាត់ត ដែលគេបង់ពន្ធជាគ្រឿងបន្លាស់ និងមួយចំនួនទៀត ជាស្រា ភេសជ្ជៈ ទំនិញចាប់ហួយ ហើយរាល់ទំនិញគេចពន្ធ ឆ្លងកាត់តាម ច្រកអន្តរជាតិព្រំ ក៏អាចពាក់ព័ន្ធ នឹងការបើកភ្លើងខៀវពីលោក ទំ ណូ ជាប្រធានសាខាគយ ខេត្តប៉ៃលិនផងដែរ ទើបអ្វីៗអាចដំណើរការដោយរលូនយ៉ាងដូច្នេះ។ កាលពីព្រឹកថ្ងៃទី២៥ ខែសីហា ឆ្នាំ២០១៦ ដើម្បីសុំបំភ្លឺបានទេ ដោយសារ គ្មានលេខទូរស័ព្ទ ប៉ុន្តែមន្ត្រីគយ បានទម្លាយថា ទាំងប្រធានសាខា និងប្រធានការិយាល័យ បានពិភាក្សាគ្នា ដើម្បីស្វែងរកផលប្រយោជន៍ យកទៅបែងចែកគ្នា ធ្វើមានធ្វើបានផ្ទាល់ខ្លួន ទៅតាមរូបមន្តចាស់។
ប្រភពបានឲ្យដឹងថា លោក រ៉ិត គង់ មានជំនាញ ខាងឃុបឃិតបើកដៃ អោយឈ្មួញនាំចូល ទំនិញគេចពន្ធ តាំងពីគាត់នៅកាន់តំណែងជាអនុការិយាល័យច្រកព្រំមកម្ល៉េះ ហើយពេលដែលលោក ម៉ៅ សំអឿន មានបញ្ហាស្រាប់តែលោក រ៉ិត គង់ ប្រើវិធីរុញទូកបណ្តោយទឹក ដើម្បីច្បាមយកអំណាចមកគ្រប់គ្រងយ៉ាងណែនពេញដៃ។ ប៉ុន្តែមន្ត្រីគយ បានទម្លាយថា ទាំងប្រធានសាខា និងប្រធានការិយាល័យ បានពិភាក្សាគ្នា ដើម្បីស្វែងរកផលប្រយោជន៍ យកទៅបែងចែកគ្នា ធ្វើមានធ្វើបានផ្ទាល់ខ្លួន ទៅតាមរូបមន្តចាស់។
កាលពីថ្ងៃទី៩ ខែតុលា ឆ្នាំ២០១៦ រាជរដ្ឋាភិបាលបានចេញសេចក្តីសម្រេចមួយបង្កើតក្រុមការងារថ្នាក់ជាតិទទួលខុសត្រូវដោយរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងថ្នាក់ខេត្តទទួលខុសត្រូវដោយចៅហ្វាយខេត្ត ដើម្បីធ្វើការទប់ស្កាត់បង្ក្រាបបទល្មើសគេចពន្ធ និងជម្រុញការប្រមូលពន្ធគយឲ្យបានកាន់តែប្រសើរឡើងផងដែរ៕
