ត្បូងឃ្មុំៈ ៖ លោក វង សូត រដ្ឋមន្ត្រីក្រសួងសង្គមកិច្ចអតីតយុទ្ធជននិងយុវនីតិសម្បទានិងប្រធានក្រុមការងារថ្នាក់ជាតិចុះជួយស្រុកពញាក្រែកខេត្តត្បូងឃ្មុំនិងឃុំជាចស្រុកកំចាយមារខេត្តព្រៃវែងនិងលោកស្រីកាលពីព្រឹកថ្ងៃទី២១ ខែមិថុនា ឆ្នាំ២០២១នេះ បានអញ្ជើញចូលរួមពិធីសំណេះសំណាលនិងចែកអំណោយជូនដល់ជនពិការក្រីក្រតាមសហគមន៍និងគ្រួសារដែលជួបគ្រោះធម្មជាតិចំនួន១៦១គ្រួសារក្នុងមូលដ្ឋានឃុំក្រែកស្រុកពញាក្រែកខេត្តត្បូងឃ្មុំ។
លោករដ្ឋមន្ត្រីបានថ្លែងថាៈមន្ត្រីគឺត្រូវបំរើប្រជារាស្ត្រនៅតាមមូលដ្ឋានឲ្យបានត្រឹមត្រូវនិងតម្លាភាពហើយជាពិសេសមន្ត្រីដែលគ្រប់គ្រងកម្មវិធីឧបត្ថម្ភសាច់ប្រាក់ពីរាជរដ្ឋាភិបាលកម្ពុជាត្រូវបង្កើនការយកចិត្តទុកដាក់ព្យាយាមបំរើតាមតម្រូវការចុះសម្ភាសន៍ផ្ទាល់ៗកុំរង់ចាំអស់ពេលបានចុះទៅធ្វើពោលគឺគ្រួសារដែលក្រីក្រពិតប្រាកដគឺទទួលបានសាច់ប្រាក់ឧបត្ថម្ភនេះ។
លោកបានបន្ថែមទៀតថា:ចំពោះបងប្អូនប្រជាពលរដ្ឋដែលជួបការលំបាកលើជីវភាពទូទាំងប្រទេសត្រូវរាជរដ្ឋាភិបាលកម្ពុជាក្រោមការដឹកនាំរបស់សម្តេចតេជោហ៊ុនសែនប្រមុខរាជរដ្ឋាភិបាលកម្ពុជាបានផ្តល់សាច់ប្រាក់ជួយសម្រួលជីវភាពគ្រួសារក្រីក្រក្នុងវិបត្តិកូវីដ-១៩នេះ។
បើទោះបីកម្ពុជារងគ្រោះដោយវិបត្តិកូវីដ-១៩ក៏រាជរដ្ឋាភិបាលកម្ពុជានៅតែផ្សព្វផ្សាយអប់រំនិងជាពិសេសជួយពលរដ្ឋក្នុងរូបភាពចែកជូនអំណោយមនុស្សធម៌ដែលជួបការរងគ្រោះធម្មជាតិខ្យល់កន្ក្រាក់ប៉ះពាល់ផ្ទះសម្បែងក្នុងន័យជួយសម្រួលនូវជីវភាពគ្រួសារពលរដ្ឋឲ្យកាន់តែល្អប្រសើរឡើងវិញ។
លោកវងសូតបានជម្រុញដល់អាជ្ញាធរពាក់ព័ន្ធត្រូវអនុវត្តន៍ឲ្យបានខ្ជាប់ខ្ជួននូវវិធានអនាម័យរបស់ក្រសួងសុខាភិបាលបីការពារបីកុំនិងបង្កើនការការពារទប់ស្កាត់ការឆ្លងរីករាលដាលជំងឺកូវីដ-១៩តាមសហគមន៍ខណៈកម្ពុជារកឃើញអ្នកវិជ្ជមានកូវីដ-១៩ជាបន្តបន្ទាប់បន្ទាប់ពីមានព្រឹត្តការណ៍សហគមន៍២០កុម្ភៈ។
លោករដ្ឋមន្ត្រីក៏បានអំពាវនាវដល់បងប្អូនប្រជាពលរដ្ឋត្រូវចូលរួមសហការជាមួយអាជ្ញាធរក្រុមគ្រូពេទ្យក្នុងមូលដ្ឋានក្នុងការតាមដានបញ្ហាសុខភាពជាប្រចាំដើម្បីចៀសឆ្ងាយពីជំងឺឆ្លងដ៍កាចសាហាវមួយនេះ៕
