ខេត្តប៉ៃលិន ៖ យុវជនម្នាក់ ត្រូវនគរបាលប៉ុស្តិ៍ស្ទឹងកាច់ សហការជាមួយប៉ុស្តិ៍ទួលល្វា ចាប់ឃាត់ខ្លួន ពីបទរំលោភទំនុកចិត្ត ខ្ចីម៉ូតូមិត្តភក្តិ ជិះទៅទិញសាច់ក្លែមមួយភ្លែត លុះម្ចាស់ចាំបាត់ៗ មិនឃើញត្រឡប់មកវិញ ទើបដឹងថាជនសង្ស័យស៊ីដាច់ម៉ូតូ ក៏ប្តឹងសមត្ថកិច្ចនគរបាល ។
ក្រោយពីដាក់ពាក្យបណ្តឹងរយៈពេល១អាទិត្យ ឃើញជនសង្ស័យយកម៉ូតូទៅបញ្ចាំក្នុងហាងការ៉ាអូខេមួយយីហោ “វង់ភ័ក្ត្រថ្មី” ដើម្បីយកលុយច្រៀង ទើបសមត្ថកិច្ចធ្វើការចាប់ឃាត់ខ្លួនតែម្តង ។
ហេតុការណ៍ ចាប់ឃាត់ខ្លួនយុវជនជិះម៉ូតូមិត្តភក្តិគេចខ្លួននេះ បានកើតឡើងកាលពីវេ លាម៉ោង១០ និង១០នាទីយប់ថ្ងៃទី០៩ ខែកញ្ញា ឆ្នាំ២០១៦ ស្ថិតនៅចំណុចផ្សារថ្មី ក្នុងភូមិអូរ ច្រាកើត សង្កាត់ទួលល្វា ក្រុងប៉ៃលិន ។
ប្រភពព័ត៌មានបានឱ្យដឹងថា ជនសង្ស័យ ឈ្មោះ ម៉េង ចាន់ ភេទប្រុស អាយុ២៥ឆ្នាំ មា នមុខរបរមិនពិតប្រាកដ ធ្លាប់ប្រើប្រាស់គ្រឿងញៀន រស់នៅភូមិផ្សារព្រំ ឃុំស្ទឹងកាច់ ស្រុកសាលាក្រៅ ។ ចំណែកម្ចាស់ម៉ូតូ ឈ្មោះ ឆុង សុខែម ភេទប្រុស អាយុ៣២ឆ្នាំ ជាអ្នករត់ម៉ូតូឌុប រស់នៅភូមិជាមួយគ្នា មានម៉ូតូម៉ា កឌ្រីមពណ៌ខ្មៅ ស៊េរីឆ្នាំ២០០៩ ពាក់ស្លាកលេខកំពុងឆ្នាំ 1B- 70 44 ត្រូវជនសង្ស័យដោះស្លាកលេខចេញពីម៉ូតូ ។
សូមបញ្ជាក់ថា កាលពីវេលាម៉ោង៦ និង៣០នាទីរសៀលថ្ងៃទី០៤ ខែកញ្ញា ឆ្នាំ២០១៦ ខណៈម្ចាស់ម៉ូតូ ជួបផឹកស៊ីជាមួយជនសង្ស័យ ដោយស្គាល់រាប់អានគ្នា ហើយរំពេចនោះខ្ចីម៉ូតូទៅទិញសាច់ក្លែមមួយភ្លែត ក៏គេចខ្លួនបាត់ស្រមោលតែម្តង ។
ប្រភពព័ត៌មានពីម្ចាស់ម៉ូតូ ឈ្មោះ ឆុង សុខែម បានឱ្យដឹងថា មុនពេលកើតហេតុ រូបគេបានជួបជុំមិត្តភក្តិ៤ ទៅ៥នាក់ នាំគ្នាអង្គុយផឹកស៊ីនៅក្នុងផ្ទះរបស់ខ្លួន ដោយពេលនោះជនស ង្ស័យ ដែលទើបរាប់អានគ្នាបានរយៈពេលជាង៣ខែ ចូលមកអង្គុយផឹកស៊ីផងដែរ ។
ប្រភពបន្តទៀតថា មួយសន្ទុះក្រោយមក រូបគេបានខ្ចីម៉ូតូមួយភ្លែត ដើម្បីជិះទៅទិញសាច់ក្លែម ដោយក្រោយពីចាំបាត់ៗ ទើដឹងថា ជនសង្ស័យស៊ីដាច់ម៉ូតូ ក៏ប្រញាប់ដាក់ពាក្យបណ្តឹងទៅនគរបាលប៉ុស្តិ៍ឱ្យចាត់ការតែម្តង ។ លុះប្រហែល១អាទិត្យ មានគេប្រទះឃើញយុវជននោះ យកម៉ូតូរប ស់ខ្លួន ទៅបញ្ចាំក្នុងហាងការ៉ាអូខេខាងលើ ហើយកំពុងច្រៀង ដោយជំពាក់ថ្លៃផឹកស៊ីអស់៩០ម៉ឺនរៀលថែមទៀត ក៏ប្រាប់ឱ្យសមត្ថកិច្ចចុះទៅចាប់ឃាត់ខ្លួនភ្លាមៗ ។
ចំណែក លោក ញ៉ឹក ថុល អធិការនគរបាលស្រុកសាលាក្រៅ បានឱ្យដឹងថា យុវជនស ង្ស័យរូបនេះ ជាមនុស្សដែលប្រើប្រាស់គ្រឿងញៀនជាយូរឆ្នាំមកហើយ ត្រូវបានឪពុកម្តាយចិញ្ចឹមរបស់គេម្នាក់រស់នៅខេត្តប៉ៃលិនបោះបង់ចោល ខណៈបំផ្លិចបំផ្លាញទ្រព្យសម្បត្តិអស់ច្រើនពេក ហើយណែនាំមិនស្តាប់ដំបូន្មានរបស់ពួកគាត់ ។
លោកបន្តទៀតថា ទោះបីជាយ៉ាង ណាក៏ដោយ ពេលនេះជនសង្ស័យខាងលើ ត្រូវខាងលោករៀបចំសំនុំរឿង ដើម្បីបញ្ជូនទៅស្ន ងការនគរបាលខេត្ត ឱ្យចាត់ការបន្ត ។ ចំណែកម៉ូតូឌ្រីមស៊េរីឆ្នាំ២០០៩ ខាងលោកប្រគល់ជូនជនរងគ្រោះវិញ ៕
ដោយ ៖ នីយ៉ា
