រាជធានីភ្នំពេញ៖គណៈកម្មការចម្រុះកំពុងធ្វើការស្រាវជ្រាវករណី ផ្ទុះគ្រាប់បែកកាលពីយប់មិញតាមរយៈការពិនិត្យ កាមេរ៉ាសុវត្ថិភាព តាមផ្ទះពលរដ្ឋដែលនៅតាមបណ្ដោយផ្លូវលេខ១៦៣ ស្ថិតក្នុងសង្កាត់បឹងកេងកង៣ ខណ្ឌចំការមន ផងដែរ ។
គណៈកម្មការ ចម្រុះមួយក្រុមដឹកនាំដោយលោក សៀង សុខ ព្រះរាជអាជ្ញារងអមសាលាដំបូងរាជធានីភ្នំពេញ ដោយមានការចូលរួមពីលោកឧត្តមសេនីយ៍ត្រី សុខ លី ស្នងការរងរាជធានីភ្នំពេញ លោក យិន សាន្ត អធិការនគរបាលខណ្ឌចំការមន និងមន្ត្រីប៉ូលិស ព្រមទាំងមន្ត្រីប៉េអឹមជាច្រើននាក់ទៀត កំពុងធ្វើការស្រាវជ្រាវពាក់ព័ន្ធករណីផ្ទុះគ្រាប់បែកកាលពីយប់មិញនៅ ចំណុចផ្លូវលេខ១៦៣កែងផ្លូវលេខ៣៤៨ ស្ថិតក្នុងភូមិ២ សង្កាត់បឹងកេងកង៣ ខណ្ឌចំការមន បណ្តាលឲ្យមនុស្ស៤នាក់រងរបួសធ្ងន់ស្រាល ។
តាម សេចក្តីរាយការណ៍ សមត្ថកិច្ចទទួលបានភស្តុងតាងជាច្រើន ពាក់ព័ន្ធករណីបំផ្ទុះគ្រាប់បែកនេះ ហើយរំពឹងថា ជនដៃដល់នឹងមិនអាចគេចផុតពីសំណាញ់ច្បាប់នោះឡើយ ៕
