ភ្នំពេញ ៖ ប្រធានរដ្ឋសភាកម្ពុជា គឺសម្តេច ហេង សំរិន កាលពីព្រឹកមិញនេះ ត្រូវបានសហព័ន្ធប្រព័ន្ធផ្សព្វផ្សាយ អាស៊ានហៅកាត់ UMA ប្រគល់ពានរង្វាន់សន្តិភាព និងការអភិវឌ្ឍ ដល់សម្តេច ក្នុងនាមសម្តេចបានលើកស្ទួយ និងជួយជ្រោមជ្រែងឲ្យមានសេរីភាពសារព័ត៌មាន កាបញ្ចេញមតិ និងលំហូរសារព័ត៌មានដោយសេរី និងបានផ្សព្វផ្សាយ យ៉ាងទូលំទូលាយ។
លោក ប្រាស៊ីត សែនរុងរឿង អគ្គលេខាធិការ UMA បានលើកឡើងថា UMA បានកើត ឡើងពីសមាគមន៍ជាច្រើនមកពីបណ្តាអ្នកសារព័ត៌មានដែលមានបទពិសោធន៍ដូចជាផ្នែកសេដ្ឋកិច្ច នយោបាយ និងសង្គមអស់រយៈពេលជាយូរឆ្នាំមកពីប្រទេសកម្ពុជា វៀតណាម ឡាវ ភូមា ម៉ាឡេស៊ី និងប្រទេសថៃ។ សរុបសមាគមន៍ ៤៤ សមាជិក UMA ទាំងអស់៤២១៤នាក់។
លោកថា UMA បានយល់ឃើញថា សម្តេច ហេង សំរិន សម្តេតេជោ ហ៊ុន សែន នាយករដ្ឋមន្ត្រី សក្តិសម នឹងទទួលបានពានរង្វាន់សន្តិភាព និងការអភិវឌ្ឍន៍ ព្រោះថា សម្តេចបានខិតខំធ្វើការអភិវឌ្ឍន៍ប្រទេសពីរបបខ្មៅងងឹតខ្មែរក្រហម រហូតមកដល់មានមុខមាត់សព្វថ្ងៃនេះ។
ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មានបានថ្លែងថា ការប្រគល់ពានរង្វាន់ដល់សម្តេច ហេង សំរិន ប្រធានរដ្ឋសភា ថ្ងៃនេះ គឺជាប្រតិ្តសាស្ត្រសម្រាប់កម្ពុជាដែលអគ្គលេខាធិការ នៃសហព័ន្ធប្រព័ន្ធផ្សាព្វផ្សាយអាស៊ាន (UMA) ប្រគល់ពានរង្វាន់សន្តិភាព និងការអភិវឌ្ឍ ជូនសម្តេច ដែលបានលើកស្ទួយនិងជួយជម្រោមជ្រែងឲ្យមានសេរីភាពសារព័ត៌មាន ការបញ្ចេញមតិ និងលំហូរសារព័ត៌មានដោយសេរីនិងបានផ្សព្វផ្សាយ យ៉ាងទូលំទូលាយ តាមរយៈបញាត្តិ ច្បាប់នានា ក្នុងប្រទេសកម្ពុជា។
«ជាឧទារហណ៍ដែលមានស្រាប់ ច្បាប់ស្តីពីរបបសារព័ត៌មាន មិនមានការត្រួតពិនិត្យមុនពេលបោះពុម្ភផ្សាយ និងគ្មានជនណាម្នាក់ត្រូវបានចាប់ចង ឬជាប់ពន្ធនាគាដោយសារការបញ្ចេញមតិឡើយ ក៏ដូចជាពង្រាងច្បាប់ស្តីពីសិទ្ធិទទួលព័ត៌មាន ដែលទាំងអស់នេះសុទ្ធជាកត្តាបញ្ជាក់ពីអន្តរនីតិបញ្ញត្តិដែលបាន នឹងកំពុងជួយជ្រោមជ្រែងលើកស្ទួយ សេរីភាពសារព័ត៌មាន»៕
ដោយ ហុក វិបុល
