ខេត្តសៀមរាប ៖ លោកនួន ពុទ្ធារ៉ា អភិបាលនៃគណៈអភិបាល ក្រុងសៀមរាប សហការណ៍ ជាមួយក្រុមការងារនៃរដ្ឋបាលខេត្តសៀមរាប កាលពីថ្ងៃទី២៧ ខែកញ្ញាឆ្នាំ២០២០នេះ បានបន្តចុះវាស់វែង និងជូនដំណឹងដល់បងប្អូនប្រជាពលរដ្ឋ ជាម្ចាស់សំណង់ផ្សេងៗ ដែលសង់លើដីចំណីផ្លូវក្នុងសង្កាត់ស្វាយដង្គុំ មានដូចជាផ្លូវវាងក្រុង ចាប់ពីផ្លូវបំបែកភូមិត្រៀករហូតដល់ចំណុចបង្គោលភ្លើងស្តុប គោគធ្លក ចាប់ពីប៉ុស្តិនគរបាលរដ្ឋបាលសង្កាត់មកផ្លូវវាងក្រុង ឆ្ពោះទៅលិច ដល់ភូមិសណ្តាន់ សង្កាត់ទឹកវឹល។
ផ្លូវ ២២ ចាប់ពីចំណុចភ្លើងស្តុបស្តាតចាស់ រហូតដល់វត្តគោគប៉ាទ្រីអាស្រ័យហេតុនេះ សូមបងប្អូនប្រជាពលរដ្ឋ ជាម្ចាស់សំណង់ និងសម្ភារៈ ដែលមានផលប៉ះពាល់ ចូលរួមសហការ ធ្វើការរុះរើ ចេញពីដីចំណីផ្លូវ ដោយខ្លួនឯង បន្ទាប់ពីក្រុមការងារបានជូនដំណឹង ក្នុងរយៈពេល១០ថ្ងៃ ដោយគិតចាប់ពីថ្ងៃជូនដំណឹងនេះតទៅជាកំហិត៕
