ខេត្តកណ្ដាល ៖ នៅថ្ងៃទី០១ ខែកក្កដា ឆ្នាំ២០២០ ឯកឧត្ដម គីម រិទ្ធី អភិបាល នៃគណៈអភិបាលរងខេត្តកណ្ដាល ស្នើអោយប្រធានការិយាល័យគយ និងរដ្ឋករជ្រៃធំ ត្រូវខិតខំប្រមូលពន្ធអាករ និងកម្រៃផ្សេងៗ អោយបានគ្រប់តាមផែនការដែលបានកំណត់។
ឯកឧត្ដម គីម រិទ្ធី អភិបាល នៃគណៈអភិបាលរងខេត្តកណ្ដាល ជំរុញបែបនេះក្នុងឱកាសឯកឧត្ដមអញ្ជើញចូលរួមក្នុងពិធីប្រកាសតែងតាំង និងផ្ទេរភារៈកិច្ចប្រធានការិយាល័យគយ និងរដ្ឋកជ្រៃធំ កាលពីរសៀលថ្ងៃទី០១ ខែកក្កដា ឆ្នាំ២០២០ នៅទីស្នាក់ការគយ និងរដ្ឋករជ្រៃធំ ស្រុកកោះធំ ខេត្តកណ្ដាល។
ឯកឧត្ដមអភិបាលរងខេត្ត បន្តថា ការប្រមូលពន្ធអាករ របស់ស្នាក់ការគយ និងរដ្ឋករជ្រៃធំ គឺពិតជាមានសារៈសំខាន់ណាស់ក្នុងការរួមចំណែក ធ្វើអោយចំណូលជាតិរបស់យើងមានកំណើនខ្ពស់ ក្នុងមួយរយៈកាលចុងក្រោយនេះ។ ដូច្នេះលោកប្រធានការិយាល័យគយ និងរដ្ឋករជ្រៃធំថ្មី ត្រូវខិតខំប្រមូលព័ន្ធអាករ និងកម្រៃផ្សេងៗ អោយបានគ្រប់តាមផែនការដែលបានកំណត់។
ទន្ទឹមនឹងការប្រមូលពន្ធអាករ និងកម្រៃផ្សេងៗ ប្រធានការិយាល័យគយ និងរដ្ឋករជ្រៃធំ ត្រូវខិតខំបង្កា និងបង្ក្រាបបទល្មើស គេចពន្ធឱ្យមានប្រសិទ្ធភាព។
ឯកឧត្ដមអភិបាលរងខេត្ត បានផ្ដាំផ្ញើដល់ប្រធានការិយាល័យគយ និងរដ្ឋករជ្រៃធំថ្មី ដើម្បីធានាជំរុញការអនុវត្តការងារគយ និងរដ្ឋករប្រកបដោយប្រសិទ្ធភាព និងវឌ្ឍនភាព និងការទទួលខុសត្រូវខ្ពស់ ត្រូវប្រកាន់ខ្ជាប់នូវក្រមសីលធម៌វិជ្ជាជីវៈការងារខ្ពស់បំផុត ដើម្បីធានាបាននូវ គុណភាព តម្លាភាព សមធម៌ និងសុវត្ថិតភាព ដូចមានចែងក្នុងក្រមសីលធម៌ និងកិរិយាមារយាទរបស់មន្ត្រីរាជការគយ និងរដ្ឋករ។ ពង្រឹងការអនុវត្តច្បាប់ បំពេញការងារដោយផ្អែកលើមូលដ្ឋានច្បាប់ លិខិតបទដ្ឋានគតិយុត្តិ និងបទបញ្ជារបស់ថ្នាក់ដឹកនាំតាមឋានានុក្រម។ ពង្រឹងសាមគ្គីភាពផ្ទៃក្នុង កិច្ចសហការជិតស្និទ្ធជាមួយអង្គភាពពាក់ព័ន្ធ និងអាជ្ញាធរដែនដីគ្រប់លំដាប់ថ្នាក់។
សូមបញ្ជាក់ផងដែរថា លោក ខណ្ណារ៉ា អេលីត ត្រូវបានតែងតាំងជាប្រធានការិយាល័យគយ និងរដ្ឋករជ្រៃធំ នៃសាខាគយ និងរដ្ឋករខេត្តកណ្ដាល ជំនួសលោក មួង ដារ៉ា ដែលត្រូវបានតែងតាំង និងផ្ទេរភារៈកិច្ចជាប្រធានសាខាគយ និងរដ្ឋាករខេត្តព្រៃវែង៕
ទីចាត់ការ សារព័ត៌មាននិង គេហទំព័រ កម្ពុជាអភិវឌ្ឍន៍
www.kap-news.com
077797952/0887797952
WhatsApp=012580455
