ព្រៃវែង ៖ មានករណីគ្រោះថ្នាក់បានកើតឡើងតាមបណ្ដោយផ្លូវជាតិលេខ8Aត្រង់ចន្លោះ គីឡូម៉ែត្រ លេខ68ដែលស្ថិតនៅភូមិទ្រា ឃុំ កញ្ចំ ស្រុកពារាំង ខេត្តព្រៃវែង។
ករណីនេះបានបង្កឡើងរវាងរថយន្តនិងរថយន្ត កាលពីព្រឹកថ្ងៃទី០៦ កុម្ភៈ ឆ្នាំ ២០១៦ វេលាម៉ោង ០៦ ៖ ១០នាទីព្រឹក បើកបរពីកើតទៅលិច។ រថយន្តដែលបង្កម៉ាកបឺស ប្រភេទទេសចណ៍ ២៥ កៅអីពណ៌ស ផ្លាកលេខ ភ្នំពេញ 3B 3970 បានទៅបុករថយន្តឈប់ចតខាងមុខម៉ាកហ៊ីហិនដាយ ពណ៌សវៀវ ផ្លាកលេខភ្នំពេញ3A1895 ដែលចតនៅខាងស្ដាំពេញទំហឹង បណ្ដាលឲម្ចាស់រថយន្តដឹកកម្មករម្ចាស់ឈ្មោះ ភាព ស្លាប់ភ្លាមៗ និងយកទាំងជីវិតកម្មករស្រីវ័យក្មេងទៅជាមួយផងដែរ ។
បើតាម ការអះអាងពីបងបង្កើតកម្មករស្លាប់ថាប្អូនស្រីគាត់ ឈ្មោះ ចក់ លិន ស្រីអាយុ ១៧ ឆ្នាំនៅភូមិព្រៃព្នៅ ឃុំព្រៃព្នៅ ស្រុកពារាំង ខេត្តព្រៃវែង ជាកម្មករ បម្រើការឲ្យរោងចក្រសេវិនអិនជី ។ ហើយតៃកុងរថយន្តដែលបើកបុកសម្លាប់ខ្លួននឹងឲ្យគេស្លាប់ជាមួយដែរ នោះ មានឈ្មោះ ភាព ប្រុសអាយុ ៣៦ នៅភូមិរាប ឃុំរាប ស្រុកពារាំង ខេត្តព្រៃវែង។
បច្ចុប្បន្ន អ្នករងរបួសស្រាលនឹងធ្ងន់ត្រូវបានបញ្ជូនទៅកាន់មន្ទីពេទ្យបង្អែក ស្រុកពារាំងភ្លាមៗផងដែរ ចំណែករថយន្តត្រូវបានសម្ថកិច្ចបញ្ជូនទៅកាន់អធីការដ្ឋាននគបាល ស្រុកដើម្បី កសាងសុំណុំរឿងបញ្ជូនទៅកាន់តុលាការ ។ រីឯ សព្វជនរងគ្រោះនិងសពជនបង្ក សមត្ថកិច្ច បានប្រគល់ឲ្យក្រុមគ្រួសារយកមកធ្វើបុណ្យទៅតាមប្រពៃណី ព្រះពុទ្ធសាសនារៀងៗខ្លួន
៕
ពីថោងមុនី រាយការណ៍ពីខេត្តព្រៃវែង
