(ខេត្តកែប)៖ នៅពេលថ្មីៗនេះ រដ្ឋបាលខេត្តកែប បានបើកកិច្ចប្រជុំពិនិត្យខ្លឹមសារត្រៀមរៀបចំសន្និបាតបូកសរុបលទ្ធផលប្រឡងប្រណាំងកសាងខ្សែបន្ទាត់ព្រំដែន សន្តិភាព មិត្តភាព និងសហប្រតិបត្តិការលើគ្រប់វិស័យ រវាងខេត្តគៀងយ៉ាង វៀតណាម ជាមួយខេត្តកំពត-កែប នៃព្រះរាជាណាចក្រកម្ពុជា ដំណាក់កាលឆ្នាំ ២០១៧-២០១៩ ដែលដឹកនាំដោយ លោក ផាម ថាញ់ហុង អនុប្រធានគណៈកម្មាធិការរណសិរ្សមាតុភូមិខេត្តគៀងយ៉ាង ប្រទេសវៀតណាម និងលោក សោម ពិសិដ្ឋ អភិបាលរងខេត្ត និងជាអនុប្រធានគណៈកម្មាធិការរណៈសិរ្សសាមគ្គីអភិវឌ្ឍន៍មាតុភូមិកម្ពុជាខេត្តកែប និងលោក ប៊ុន ណារិន អនុប្រធានមន្ទីរ គណបក្សខេត្តកំពត និងជាសមាជិកគណៈកម្មាធិការរណៈសិរ្សសាមគ្គីអភិវឌ្ឍន៍មាតុភូមិកម្ពុជាខេត្តកំពត។
កិច្ចប្រជុំនេះក៏មានការអញ្ជើញចូលរួម ពីលោកឧត្តមសេនីយ៍ ស្នងការរងនគរបាលខេត្ត លោកវរសេនីយ៍ មេបញ្ជាការរងកងរាជអាវុធហត្ថខេត្ត លោកនាយករដ្ឋបាលសាលាខេត្ត លោកនាយក នាយករងទីចាត់ការសាលាខេត្ត លោក លោកស្រី ប្រធាន អនុប្រធានមន្ទីរ/អង្គភាព លោកស្រី អភិបាលក្រុង លោកអភិបាលរងស្រុក លោក លោកស្រី សមាជិក សមាជិកា រណសិរ្សសាមគ្គីអភិវឌ្ឍន៍មាតុភូមិកម្ពុជាខេត្តកែប-កំពត ជាច្រើនរូប។
របៀបវរៈកិច្ចប្រជុំរួមមាន៖
-ផ្តល់យោបល់របាយការណ៍បូកសរុបលទ្ធផលកិច្ចសន្យាប្រឡងប្រណាំងដំណាក់កាល២០១៧-២០១៩
-ផ្តល់យោបល់ផែនការអនុវត្តដំណាក់កាល២០១៩-២០២១
-ពិភាក្សាខ្លឹមសារ បទអន្តរាគមន៍ ខេត្តគៀនយ៉ាង (វៀតណាម) ខេត្តកំពត-កែប (កម្ពូជា)
-ពិភាក្សាខ្លឹមសារផ្លាស់ប្តូរកីឡា (បាល់ទាត់និងវាយក្អម)
-កំណត់កាលបរិច្ឆេទរៀបចំសន្និបាតបូកសរុបលទ្ធផល។
សូមជម្រាបថា ការបើកកិច្ចប្រជុំនេះ គោលបំណងដើម្បីរួមចំណែកការងារកសាងខ្សែបន្ទាត់ព្រំដែន សន្តិភាព មិត្តភាព សហប្រតិបត្តិការលើគ្រប់វិស័យ រួមគ្នាអភិវឌ្ឍន៍ រវាងវៀតណាម-កម្ពុជា និយាយរួម រវាងខេត្តគៀនយ៉ាង និងខេត្តកំពត ខេត្តកែប ពិសេសជំរុញបន្ថែមនូវចំណងសាមគ្គីភាព មិត្តភាព រវាងប្រជាជនមានខ្សែបន្ទាត់ព្រំដែនរួមគ្នា រវាងខេត្តគៀនយ៉ាង (វៀតណាម) ជាមួយខេត្តកំពត ខេត្តកែប (កម្ពុជា) រៀបចំសកម្មភាពឱ្យសម្បូរណ៍បែបជាក់ស្តែង រួមចំណែកកសាងខ្សែបន្ទាត់ព្រំដែន រវាងប្រទេសទាំងពីរ និងសហប្រតិបត្តិការលើគ្រប់វិស័យ៕ សេង ណារិទ្ធ
