ភ្នំពេញ ៖ នៅថ្ងៃទី៣០ ខែវិច្ឆិកា ឆ្នាំ២០១៩ វេលាម៉ោង១២ និង៣០នាទីថ្ងៃត្រង់ កម្លាំងផ្នែកជំនាញព្រហ្មទណ្ឌ គ្រឿងញៀនបានសហការណ៍ជាមួយកម្លាំងប៉ុស្ដិ៍នគរបាលរដ្ឋបាលចំនួន៣ប៉ុស្ដិ៍ រួមមាន ប៉ុស្ដិ៍នគរបាលផ្សារថ្មីទី៣ ប៉ុស្ដិ៍នគរបាលបឹងរាំង និងប៉ុស្ដិ៍នគរបាលចតុមុខ នៃអធិការដ្ឋាននគរបាលខណ្ឌដូនពេញ បានធ្វើការស្រាវជ្រាវរហូតឈានដល់បង្ក្រាបបានករណីផលិតស្លាកលេខរថយន្ដ ម៉ូតូមិនប្រក្រតីចំនួន៧ទីតាំងសរុបមនុស្សបានចំនួន៦នាក់រួមមាន ៖
ប៉ុស្ដិ៍នគរបាលផ្សារថ្មីទី៣ កម្លាំងឃាត់បានចំនួន៣ទីតាំង មនុស្សចំនួន២នាក់ ដកហូតបានស្លាកលេខចំនួនសរុប២២ស្លាកលេខ ក្នុងនោះមានស្លាកលេខស៊ីវិល១០ស្លាកលេខ ស្លាកនគរបាលចំនួន៣ស្លាកលេខ ស្លាកលេខខេមរភូមិន្ទចំនួន៥ស្លាកលេខ ស្លាកលេខរថយន្ដ៣ស្លាកលេខ ស្លាកលេខអ្នកកាសែត១ស្លាកលេខ កុំព្យូទ័រ២គ្រឿង ម៉ាស៊ីនកាត់ស្ទីកគ័រ២គ្រឿង ថ្នាំកំប៉ុង២៤កំប៉ុង កន្ត្រៃកាត់ស័ង្កសី២ដើម ដង្កាប់២ដើម កន្ត្រៃតូច២ដើម។
ប៉ុស្ដិ៍នគរបាលបឹងរាំង កម្លាំងឃាត់បាន៣ទីតាំង មនុស្សចំនួន៣នាក់ ដកហូតបានស្លាកលេខសរុបចំនួន២០ស្លាកលេខក្នុងនោះមានស្លាករថយន្ដលេខស៊ីវិលចំនួន៣ស្លាកលេខ ស្លាកលេខរថយន្ដនគរបាលចំនួន៤ស្លាកលេខ ស្លាកលេខរថយន្ដខេរភូមិន្ទ២ស្លាកលេខ ស្លាកលេខម៉ូតូស៊ីវិលចំនួន៨ស្លាកលេខ ស្លាកលេខម៉ូតូនគរបាលចំនួន១ ស្លាកលេខ ម៉ូតូខេរភូមិន្ទ១ កន្ត្រៃកាត់ស័ង្កសី១ ដែកឆាបចំនួន១ ថ្នាំពណ៌ចំនួន៦កំប៉ុង។
ប៉ុស្ដិ៍នគរបាលចតុមុខ កម្លាំងឃាត់បាន១ទីតាំង មនុស្សចំនួន១នាក់ ដកហូតបានស្លាកលេខសរុប៣៣ស្លាកលេខ ក្នុងនោះរួមមាន ស្លាកលេខរថយន្ដស៊ីវិល២១ ស្លាកលេខ រថយន្ដរដ្ឋ២ ស្លាកលេខ រថយន្ដចង្កូតស្ដាំ៣ ស្លាកលេខ ម៉ូតូខេរភូមិន្ទ៦ ស្លាកលេខ ម៉ូតូស៊ីវិល១ កន្ត្រៃកាត់ស័ង្កសី១ដើម កូនសោរលេខ១៤ចំនួន១ ម៉ាស៊ីនកាត់ស្ទីកគ័រ១ កុំព្យូទ័រ១ ថ្នាំពណ៌១៥កំប៉ុង ម៉ាស៊ីនដាប់ជ្រី១។
បច្ចុប្បន្ន កម្លាំងជំនាញរបស់អធិការដ្ឋាន និងប៉ុស្ដិ៍ កំពុងកងសាងសុំណុំរឿងបញ្ជូនទៅសាលាដំបូងរាជធានីភ្នំពេញដើម្បីអនុវត្តន៍តាមនីតិវិធី៕
(ដោយ គេហទំព័រ កម្ពុជាអភិវឌ្ឍន៍)
www.Kap-news.com
077797952/0887797952
WhatsApp=012580455
