(ខេត្តកែប )៖ នៅរសៀលថ្ងៃ ព្រហស្បត៍ ២កើត ខែមិគសិរ ឆ្នាំ កុរ ឯកស័ក ព.ស២៥៦៣ ត្រូវនឹងថ្ងៃទី២៨ ខែវិច្ឆិកា ឆ្នាំ២០១៩ លោក កែន សត្ថា អភិបាល នៃគណៈអភិបាលខេត្ត បានអញ្ចើញជួបសំដែងការគួរសម្យ ជាមួយប្រតិភូយុវជន សសយក ៧០នាក់ ដែលត្រូវចូលរួមខួបលើកទី៤១ កំណើតសហភាពសហព័ន្ធយុវជន កម្ពុជា ២ធ្នូ ១៩៧៨ ,២ធ្នូ ២០១៩ ដែលនឹងប្រព្រឹត្តទៅនៅថ្ងៃទី៣០ ខែវិច្ឆិកា ឆ្នាំ២០១៩ នៅវិមានពហុកីឡដ្ឋានជាតិ។
ក្នុងពិធីនេះ លោក កែន សត្ថា អភិបាលខេត្ត កែប ក៏មានមតិ សំណេះសំណាល ដោយបានលើកឡើងអំពីប្រវត្តិនៃការតស៊ូ របស់យុវជនយុវតីគ្រប់ស្រទាប់វណ្ណ: បានលះបង់អាយុជីវិតធ្វើជាដើមទុន ដើម្បីរំដោះជាតិ មាតុភូមិ និងប្រជាជន ពីរបបប្រល័យពូជសាសន៍ ប៉ុល ពត រហូតទទួលបាននូវសុខសន្តិភាពនឹងការអភិវឌ្ឍន៍រីកចម្រើនគ្រប់វិស័យមកដល់សព្វថ្ងៃនេះ ដូចនេះក្មួយៗជាយុវជនជំនាន់ ក្រោយ ត្រូវជួយថែរក្សាសុខសន្តិភាព និងអភិវឌ្ឍន៍ប្រទេសជាតិយើងឱ្យកាន់តែរីកចម្រើនទៅមុខទៀត។
ឆ្លៀតក្នុងឱកាសនោះដែរ លោកអភិបាលខេត្ត ក៏បានឧបត្ថម្ភថវិកាដល់យុវជន សសយក ទាំង៧០រូប ដែលក្នុងម្នាក់ៗទទួលបានថវិកា ៤០.០០០រៀល សរុបថវិកាចំនួន២.៨០០.០០០រៀល៕ សេង ណារិទ្ធ
