បន្ទាយមានជ័យ៖ ដោយមានការយកចិត្តទុកដាក់ពីលោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ នៅរសៀលថ្ងៃទី ១៣ ខែមីនា ឆ្នាំ២០២៥ បានចាត់តាំងលោកឧត្ដមសេនីយ៍ត្រី វង្ស វិត ស្នងការរងផែនការងារធនធានមនុស្សអមដំណើរដោយលោកវរសេនីយ៍ទោ ញាន ឡាញ់ ស្នងការរងទទួលបន្ទុកការងារវរសេនាតូចលេខ ៨០៧និងលោកវរសេនីយ៍ឯក ឡុង សំណាង មេបញ្ជាការវសេនាតូចនគរបាលការពារព្រំដែនគោកលេខ ៨០៧ បានដឹកនាំកម្លាំងនគរបាលវសេនាតូចនគរបាលការពារព្រំដែនគោកលេខ៨០៧ចូលរួមគោរពវិញ្ញាណក្ខន្ធនិងប្រគល់ថវិកាចំនួន ៩,០០០,០០០រៀល(ប្រាំបួនលានរៀលគត់)ក្នុងនោះថវិកាចំនួន៦,០០០,០០០រៀលជាថវិការបស់សមាគមន៍មិត្តនគរបាលជាតិកម្ពុជានិង៣,០០០,០០០រៀលជាថវិកាបានមកពីរការចូលរួមរបស់កងកម្លាំងវរសេនាតូចនគរបាលការពារព្រំដែនគោកលេខ៨០៧ជូនគ្រួសារសពលោកអនុសេនីយ៍ត្រី រិទ្ធ សីហមុនីឆព័នរង្សី មន្ត្រីប៉ុស្ដិ៍នគរបាលការពារព្រំដែនគោកខ្វាវដែលបានទទួលមរណភាពនៅថ្ងៃទី ១២ ខែមីនា ឆ្នាំ២០២៥ដោយជំងឺដុះសាច់ក្នុងខួរក្បាលស្ថិតនៅភូមិ បឹងតាស្រី ឃុំ គោករមៀត ស្រុក ថ្មពួក ខេត្តបន្ទាយមានជ័យ។
ក្នុងឱកាសដ៏ក្រៀមក្រំនេះលោកឧត្ដមសេនីយ៍ត្រី វង្ស វិត បានពាំនាំការចូលរួមមរណទុក្ខនិងចូលរួមសោកស្ដាយជាមួយក្រុមគ្រួសារនៃសពពីសំណាក់លោកឧត្ដមសេនីយ៍ទោ សិទ្ធិ ឡោះ ស្នងការនគរបាលខេត្តចំពោះការបាត់បង់ស្វាមី ឪពុក ជាទីគោរពស្រឡាញ់ដ៏ជ្រាលជ្រៅ និងធ្លាប់ផ្ដល់នូវព្រហ្មវិហារធម៌ចំពោះក្រុមគ្រួសារនាគ្រាកន្លងមក៕
