ខេត្តបន្ទាយជ័យ ៖ ស្ត្រីដែលជាប្រពន្ឋជនសង្ស័យ ដែលត្រូវបានកម្លាំងកងរាជអាវុធហត្ថចាប់ឃាត់ខ្លួនពាក់ពន្ឋ័ករណីថ្នាំញៀន បានលើកគ្នាមកគេហដ្ឋានរបស់លោកសាន ស៊ានហូ អភិបាលនៃគណអភិបាលក្រុងប៉ោយប៉ែតដើម្បីស្នើសុំជួយដោះស្រាយនឹងរកយុត្តិធម៏ឲ្យប្តីគាត់ បន្ទាប់ពីកម្លាំងកងរាជអាវុធហត្ថខេត្តបន្ទាយមានជ័យ ចាប់ខ្លួនពាក់ព័ន្ធគ្រឿងញៀន កាលពីថ្ងៃទី២៨ខែមិថុនាឆ្នាំ២០១៨កន្លងទៅថ្មីៗនេះ។
ស្ត្រីជាប្រពន្ឋជនសង្ស័យបានប្រាប់អ្នកសាព័ត៌មាននាព្រឹកថ្ងៃទី៣០ ខែមិថុនា ឆ្នាំ២០១៨នេះនៅគេហដ្ឋានលោកសា ស៊ានហូ អភិបាលនៃគណអភិបាលក្រុងប៉ោយប៉ែតបានឲ្យដឹងថា៖កាលពីល្ងាចថ្ងៃទី២៨ ខែមិថុនា ឆ្នាំ២០១៨ កម្លាំងអាវុធហត្ថខេត្តបន្ទាយមានជ័យបានចាប់ប្តីរបស់គាត់នៅកន្លែងវាយ បដឺផាសចំណុចរង្វង់មូលប៉ោយប៉ែត។
សមត្ថកិច្ចបានចោទថា៖ប្តីគាត់ជួញដូរគ្រឿងញៀន បន្ទាប់ពីធ្វើការចាប់ខ្លួនរួចបានដឹកទៅខេត្តតែម្តង។ស្ត្រីខាងលើបានរៀបរាប់បន្តថា៖នៅបានមុនកើតហេតុប្តីគាត់បានអូសរទេះទៅផ្សារថៃដូចសព្វដង ក្នុងនោះបានដឹកកាបូបចំនួនពីរចូលទៅផ្សារនៃប្រទេសថៃ ជាប់ព្រំដែនប៉ោយប៉ែត ស្រាប់តែដល់គោលដៅម្ចាស់គេក៏យកទៅបាត់ទៅ តែមានជនជាតិថៃម្នាក់បានជួលប្តីគាត់ឲ្យស្ពាយកាបូបមកទឹកដីខ្មែរយើង ឲ្យឈ្នួលចំនួន១០០បាត បើចាំយូគេនឹងថែម៥០បាតពីលើហ្នឹងទៀត ស្រាប់តែមកឈរម្ចាស់កាបូបនៅកន្លែងដឺផាស ស្រាប់តែអាវុធហត្ថខេត្ត ក្របួចប្តីគាត់ដាក់លើរថយន្តទៅខេត្តតែម្តង។
ស្ត្រីដដែលបានពោលទាំងទឹកភ្នែកទៀតថា៖សព្វថ្ងៃគាត់ជួលផ្ទះគេស្នាក់នៅក្នុងភូមិនឹងសង្កាត់ប៉ោយប៉ែតប្តីគាត់ឈ្មោះ អឹម ចយ អាយុ៤០ឆ្នាំ ធ្វើជាកម្មករអូសរទេះដឹកទំនិញឲ្យគេ រកមួយថ្ងៃស៊ីមួយថ្ងៃសឹងតែមិនគ្រប់គ្រាន់ មានលុយរាប់ពាន់ដុល្លាមកពីណាទិញគ្រឿងញៀនជួញដូរនោះ បើរកតែអង្ករច្រកឆ្នាំងសឹងពុំបានផង។
ចំណែកខាងអាវុធហត្ថខេត្តបន្ទាយមានជ័យ បានឆែកឆេរក្នុងកាបូបនោះបានឃើញគ្រឿងញៀនជាង(៤ពាន់គ្រាប់ ម្សៅព័ណ ស ថ្លាប្រមាណ១គីឡូក្រាមនឹងជញ្ជីងថ្លឹងគ្រឿងញៀនមួយគ្រឿង។
លោកអនុវរសេនីយ៍ឯក ស ប៊ុនសឿង ប្រធានកររិយាល័យប្រឆាំងគ្រឿងញៀនកងរាជអាវុធហត្ថខេត្តបានប្រាប់អ្នកសារព័ត៌មានតាមទូរស័ព្ទកាលពីព្រឹកថ្ងៃទី៣០ខែមិថុនា ឆ្នាំ២០១៨នេះថា៖ករណីគ្រឿងញៀនដែលកម្លាំងអាវុធហត្ថធ្វើការឃាត់ខ្លួននោះពីបទការពាក់ពន្ឋ័ដឹកជញ្ជូនគ្រឿងញៀន ពេលនេះបានបញ្ជូនខ្លួននឹងវត្ថុតាងទៅសាលាដំបូងខេត្ត យ៉ាងណាៗនោះខាងផ្នែកតុលាការជាអ្នកចោទប្រកាន់តាមវិតិវិធីច្បាប់៕
