ស្វាយរៀង: លោក ប៉េង ពោធិ៍សា អភិបាលរងខេត្តស្វាយរៀង និងជាអនុប្រធានអចិន្ត្រៃយ៍គណៈបញ្ជាការការពារសន្តិសុខរួម នៅព្រឹកថ្ងៃទី២១ ខែមិថុនា ឆ្នាំ២០២៣បានអញ្ជើញប្រជុំផ្សព្វផ្សាយផែនការរបស់គណៈបញ្ជាការឯកភាពរដ្ឋបាលខេត្ត ស្តីពីផែនការការពារសន្តិសុខ សុវត្ថិភាព និងសណ្តាប់ធ្នាប់ ជូនសម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្នុងឱកាសសម្តេចអញ្ជើញមកសំណេះសំណាលជាមួយមន្ត្រីរាជការ និយោជិត កម្មករ កម្មការីនី នៅតំបន់សេដ្ឋកិច្ចពិសេសមេនហាធេន(MANHATTAN) ក្រុងបាវិត ខេត្តស្វាយរៀងនៅថ្ងៃទី២៥ ខែមិថុនា ឆ្នាំ២០២៣ខាងមុខនេះ។

ពិធីនេះមានការអញ្ជើញចូលរួមពី លោកឧត្តមសេនីយ៍ទោ ពេជ្រ វីរៈ ស្នងការនគរបាលខេត្ត លោកឧត្តមសេនីយ៍ត្រី សែ វុទ្ធីមេបញ្ជាការកងរាជអាវុធហត្ថខេត្ត លោកឧត្តមសេនីយ៍ត្រី អ៊ុ សាវ៉ាត មេបញ្ជាការរងតំបន់ប្រតិបត្តិការសឹករងខេត្ត លោកប្រធានមន្ទីរសុខាភិបាល លោកប្រធានមន្ទីរការងារ និងបណ្តុះបណ្តាលវិជ្ជាជីវៈខេត្តនិងអ្នកដែលពាក់ព័ន្ធ ដែលបានសមាសភាពជាប្រធានគោលដៅក្នុងផែនការ សរុបវត្តមាន ៧៩នាក់៕/PC