ភ្នំពេញ ៖ គណបក្សហ្វ៊ុនស៊ិនប៉ិចបាននិងរៀបចំធ្វើសមាជវិសាមញ្ញ មួយដើម្បីផ្លាស់ប្ដូររូបសញ្ញាថ្មី របស់គណបក្ស និងកែសម្រួលប្រការមួយចំនួននៃលក្ខន្តិកៈ ។
សមាជវិសាមញ្ញនេះ បានប្រារព្ធឡើង កាលពីថ្ងៃទី២៣ ខែកញ្ញា ឆ្នាំ២០១៧ នៅវេលាម៉ោង៩ ព្រឹក ដើម្បីឱ្យសមស្របទៅតាមច្បាប់ស្ដីពីគណបក្សនយោបាយ និងសមស្របទៅតាមលក្ខន្តិកៈ របស់គណបក្សហ្វ៊ុនស៊ិនប៉ិច។ ក្រោមព្រះរាជអធិបតីភាព សម្តេចក្រុមព្រះ នរោត្តម រណឬទ្ធិ ព្រះប្រធានគណបក្សហ្វ៊ុនស៊ិនប៉ិច នៅមជ្ឈមណ្ឌល សន្និបាតកោះពេជ្រ ដោយមានសមាជិកសមាជិកា ចូលរួមប្រមាណ៥០០នាក់។
គួរបញ្ជាក់ថា ៖ ច្បាប់គណបក្សនយោបាយថ្មីៗនេះ មិនអនុញ្ញាតឱ្យ គណបក្សនយោបាយណាមួយនៅក្នុង
ប្រទេសកម្ពុជា ប្រើប្រាស់ឈ្មោះ ឬរូបរបស់ រូបវន្តបុគ្គល នៅក្នុងឈ្មោះឬរូបសញ្ញា គណបក្ស
ឡើយ ៕
