ខេត្តបន្ទាយមានជ័យ៖ នៅព្រឹកថ្ងៃចន្ទ ៧រោច ខែអ ស្សុជ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១៧ ខែតុលា ឆ្នាំ២០២២ វេលាម៉ោង០៧ និង០០នាទី លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ បានរៀបចំគោរពទង់ជាតិ នៃព្រះរាជាណាចក្រកម្ពុជា នៅបញ្ជាការដ្ឋានកងរាជអាវុធហត្ថខេត្ត នឹងលោកវរសេនីយ៍ឯក ជា តារា មេបញ្ជាការរងកងរាជអាវុធហត្ថខេត្ត នាយប្រចាំបញ្ជា ព្រមទាំងនាយទាហាន នាយទាហានរង នៃកងរាជអាវុធហត្ថចូលរួមចំនួន៦០នាក់។
ក្រោយគោរពទង់ជាតិ នៃព្រះរាជាណាចក្រកម្ពុជា ជាទម្លាប់ដូច សព្វមួយដង លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត បានអញ្ជេីញចែកអាវ រងារ ជូនដល់កម្លាំងកងរាជអាវុធហត្ថដែលជាអំណោយដ៏ថ្លៃថ្លា ររបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃ ព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន។
ក្នុងឱកាសនោះដែរ លោក មេបញ្ជាការ ក៏បានណែនាំដល់កងកម្លាំងអាវុធហត្ថនៅក្នុងរដូវរងារ ដែលនឹងមកដល់នាពេលខាងមុខ ត្រូវថែរក្សាសុខភាពអោយបានល្អទាំងអស់គ្នា ដើម្បីបន្តបំពេញការងារជូនពលរដ្ឋនឹងសង្គមជាតិ សាសនាជាតិ នៃយើងទាំងអស់គ្នា៕
