(ស្វាយរៀង) ÷នៅរសៀលថ្ងៃសុក្រ ៤ រោច ខែអស្សុជ ឆ្នាំខាល
ចត្វាស័ក ពុទ្ធសករាជ ២៥៦៦
ត្រូវនឹងថ្ងៃទី១៤ ខែតុលា ឆ្នាំ២០២២នេះ
លោក ហែម សុីណា អភិបាលនៃគណៈអភិបាល ស្រុករំដួល បានអញ្ជើញជាអធិបតីភាពប្រកាសបើកការដ្ឋានសាងសង់ផ្លូវលំដោយក្រាលប៊ូតុងដែលមានប្រវែង១១០៧ម៉ែត្រឆ្លងកាត់២ភូមិគឺភូមិធ្មានឹងភូមិព្រៃចំការ នៃ ឃុំធ្មា ស្រុករំដួល ខេត្តស្វាយរៀង ។
ពិធីនេះមានការអញ្ជើញចូលរួមពីលោកអភិបាលរងស្រុកក្រុមការងារស្រុកក្រុមហ៊ុនធ្វើផ្លូវលោកមេឃុំធ្មាក្រុមការងារឃុំលោកមេភូមិនិងបងប្អូនប្រជាពលរដ្ឋជាច្រើននាក់ទៀត។
មានប្រសាសន៍ទៅកាន់ពិធីនេះលោកអភិបាលបានស៊ូសុខទុក្ខបងប្អូនប្រជាពលរដ្ឋ ហើយបានផ្ដាំផ្ញើនៅចំណុចសំខាន់ៗមួយចំនួនដូចខាងក្រោម÷
– ឱ្យបងប្អូនចេះជួយថែរក្សាផ្លូវនេះទាំងអស់គ្នា។
– បើបងប្អូននៅជិតផ្លូវត្រូវការធ្វើផ្ទះសម្បែងយើងត្រូវធ្វើផ្ទះថយមកក្រោយដើម្បីឲ្យស្រឡះខាងមុខផ្ទះការពារយើងថ្ងៃទៅខាងមុខយើងត្រូវការពង្រីកផ្លូវកុំឱ្យមានផលប៉ះពាល់ដល់ផ្ទះយើងនឹងរបងផ្ទះយើង។
– បើបងប្អូនមានអាសន្នអន់ក្រឈឺស្កាត់ត្រូវការឡានពេទ្យជាបន្ទាន់បងប្អូនត្រូវទាក់ទងទៅស្រុកស្រុកនិងមានឡានពេទ្យជួយដឹកបងប្អូនដោយមិនគិតថ្លៃសោហ៊ុយ។
– បើមានបងប្អូននៅក្នុងឃុំមានជីវភាពក្រលំបាកត្រូវទាក់ទងទៅលោកមេភូមិមេឃុំនិងស្រុកដើម្បីឲ្យស្រុកជួយសម្រាលទុកដល់បងប្អូន…។
ប្រជាពលរដ្ឋមានសេចក្ដីត្រេកអរសប្បាយរីករាយដែលបានផ្លូវថ្មីនិងសូមអរគុណដល់លោកអភិបាលស្រុកនិងលោកមេឃុំដែលបានយកចិត្តទុកដាក់ការអភិវឌ្ឍន៍ផ្លូវខ្នល់ក្នុងស្រុកជូនដល់ពួកគាត់ឱ្យស្រួលក្នុងការធ្វើដំណើរ…។(សូមអរគុណ)
