ខេត្តបាត់ដំបង ៖ ផ្លូវកៅស៊ូជាច្រើនកន្លែងក្នុងក្រុងបាត់ដំបង ដែលរងការខូចខាតដោយទឹកភ្លៀងនិងបាក់ស្រុតដោយការដឹកធ្ងន់ ត្រូវបាន ក្រុមការងារមន្ទីរសាធារណការណ៍ ក្រោមការដឹកនាំ របស់ឯកឧត្តម ខាន់ ម៉ាណេរ ប្រធានមន្ទីរមន្ទីរសាធារណការណ៍និងជាទីប្រឹក្សាសម្តេចក្រឡាហោម ស ខេង ឧបនាយករដ្ឋមន្ត្រីក្រសួងមហាផ្ទៃ ប្រឹងប្រែងជួសជុលផ្លូវយ៉ាងមមាញឹកជាច្រើនថ្ងៃ ជួសជុលរួចរាល់ហើយ នៅថ្ងៃទី១៣ ខែកញ្ញា ឆ្នាំ២០១៧ ។
ផ្លូវខូចខាតនៅសង្កាត់រតន: ផ្លូវនៅសង្កាត់ចំការសំរោង ផ្លូវសង្កាត់ស្វាយប៉ោ ផ្លូវនៅសង្កាត់ទួលតាឯក ផ្លូវនៅសង្កាត់អូរចារ ការជួសជល់ផ្លូវនេះងាយស្រួលឲ្យប្រជាពលរដ្ឋដឹកទំនិញឬកសិផលជាពិសេសស្រូវពួគគាត់នៅជាយក្រុងទើបតែច្រូតហើយដឹកទៅលក់បានស្រួល ។ ម្យ៉ាងទៀត ជារដូវស្សាផង និងជារដូវបុណ្យភ្ជុំបិណ្ឌផង ការជួសជុលផ្លូវទាន់ពេលវេលា ជាការគាប់ប្រសើរសំរាប់ពលរដ្ឋគ្រប់រូបជិះម៉ូតូទៅវត្តមិនភ័យដួលក្រពប់សំឡ ឬក៏រថយន្តបើកចូលក្រឡុកសាច់ទឹកប្រឡាក់សំលៀកបំពាក់ជាដើម។
ប្រជាពលរដ្ឋថ្លែងអំណរគុណនិងសប្បាយចិត្តជាអនេកកប្បការចំពោះក្រុមការងារមន្ទីរសាធារណការណ៍ ៕
