ក្រុងប៉ោយប៉ែត ៖ នៅព្រឹកថ្ងៃសុក្រ ១២កើត ខែ អស្សុជ ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី ០៧ ខែ តុលា ឆ្នាំ២០២២នេះ ដោយមានការយកចិត្តទុកដាក់ពីលោកឧត្ដមសេនីយ៍ទោ សិទ្ធិ ឡោះ ស្នងការនគរបាលខេត្ដប.ជ លោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែត បានបញ្ជាកំលាំងប្រចាំបញ្ជា និងប៉ុស្ដិ៍នគរបាលរដ្ឋបាល ចូលរួមជាមួយក្រុមការងារ គណៈបញ្ជាការឯកភាពរដ្ឋបាលក្រុងប៉ោយប៉ែត និង កម្លាំងកងរាជអាវុធហត្ថក្រុងប៉ោយប៉ែត នឹងកម្លាំងផ្នែកសឹករងប៉ោយប៉ែតនឹង កម្លាំងចម្រុះ រួមកម្លាំងសាមគ្គី ច្រកខ្សាច់ចូលការ៉ុង ដើម្បីទប់ទឹកហូរកាត់លើខ្នងទំនប់អាងអូខៃដន។(ដឹកនាំដោយ)
ឯកឧត្តម ប៉ាន់ខែម ប៊ុនថន នាយករងខុទ្ទកាល័យសម្តេចតេជោនាយករដ្ឋមន្ត្រី នឹង លោក គាត ហ៊ុល អភិបាលក្រុងប៉ោយប៉ែត បន្តប្រចាំការដឹកនាំក្រុមការងារ ចុះរកវិធីសាស្ត្រការពារ និងបង្ហូរទឹកចេញពីអាងខ្លះដើម្បីបញ្ជៀសការបាក់ទំនប់ធ្វើឲ្យលិចលង់លំនៅដ្ឋានប្រជាពលរដ្ឋ និងខូចខាតហេដ្ឋារចនាសម្ព័ន្ធនានាជាពិសេសផ្លូវរថភ្លើង និងផ្លូវជាតិលេខ៥ នៅចំណុចអាងស្តុកទឹកអូខៃដន ស្ថិតនៅក្នុងភូមិកូនដំរី សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ៕
